Author: નોબત સમાચાર
લાકડાથી માનવ મૃતદેહના અંતિમ સંસ્કાર માટે આધુનિક ભઠ્ઠી-અંતિમયાત્રા બસનું લોકાર્પણ
જામનગરના ગાંધીનગર મોક્ષ મંદિર સ્મશાનમાં
જામનગર તા. ૨૭: જામનગરના ગાંધીનગર સ્થિત મોક્ષ મંદિર સ્મશાન ગૃહમાં આગામી રવિવારે બે નવી સૂવિઘાઓનો લોકાર્પણ સમારોહ આયોજીત કરવામાં આવ્યો છે.
ગાંધીનગર સ્મશાન ગૃહને અંતિમયાત્રા બસ મસાલા ઉત્પાદન કરતી જાણીતી કંપની મધુસુદન મસાલા લિમિટેડ તરફથી સામાજિક ઉત્તરદાયિત્વના ભાગરૂપે અર્પણ કરવામાં આવી છે.
આ ઉપરાંત લાકડાથી માનવ મૃતદેહના અંતિમ સંસ્કાર માટે આઘુનિક પદ્ધતિથી તૈયાર કરાયેલી ભઠ્ઠી ''સ્વર્ગારોહણ'' ગાંધીનગર સ્થિત મોક્ષ મંદિર સ્મશાન ગૃહમાં બેસાડવામાં આવી છે. આ નવી પદ્ધતિની ભઠ્ઠીમાં મૃતદેહના લાકડાથી અંતિમ સંસ્કાર માટે સમયની સાથે લાકડાના જથ્થાનો પણ મોટો બચાવ થાય છે જેથી પર્યાવરણ મિત્રરૂપ આ ભઠ્ઠી જામનગરમાં રવિવારથી શરૂ થશે. જે સૌરાષ્ટ્રમાં સર્વપ્રથમ બની રહેશે. આ ભઠ્ઠીના દાતા તરીકે સરદાર ઈન્દરપાલ સિંધ કરતાર સિંઘ પરિવારે સહયોગ આપ્યો છે.
આ બન્ને નવી સુવિધાઓનો લોકાર્પણ સમારોહ તા.૨૯-૧૨-૨૦૨૪ ના રવિવારે સવારે ૧૦-૩૦ કલાકે ગાંધીનગર મોક્ષ મંદિર સ્મશાન ગૃહમાં આયોજીત કરવામાં આવ્યો છે જેમાં નવી અંતિમયાત્રા બસનું લોકાર્પણ દાતા પરિવારના શ્રી દયાળજીભાઈ વનરાવનભાઈ કોટેચાના હસ્તે થશે જયારે લાકડાની ભઠ્ઠીનું લોકાર્પણ જામનગરના ગુરુદ્ધારાના ગ્રંથીજી ભાઈસાહેબ પ્રકાશ સિંઘજીના વરદ હસ્તે કરવામાં આવશે.
આ પ્રસંગે જામનગરના મેયર વિનોદભાઈ ખીમસુર્યા, સ્થાયી સમિતિના અધ્યક્ષ નિલેષભાઈ કગથરા અને અખિલ ગુજરાત લોહાણા સમાજના પ્રુમખ જીતુભાઇ લાલ તેમજ દાતા પરિવારના સભ્યો ખાસ ઉપસ્થિત રહેશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
