Author: નોબત સમાચાર
પુરાવાનો નાશ કરવાના આરોપમાં શ્રમિક મહિલાને અપાઈ જામીનમુક્તિ
જોડિયાના ખીરી ગામમાં બન્યો હતો બનાવઃ
જામનગર તા. ૨૭: જોડિયાના ખીરી ગામમાં એક ખેતર ફરતે વહેતા મુકવામાં આવેલા વીજ કરંટને અડકી જતાં દોઢેક મહિના પહેલાં એક શ્રમિકનું મૃત્યુ નિપજ્યું હતું. તેના મૃતદેહને દૂર ફેકી આવવા અંગે પોલીસે શ્રમિક દંપતી સામે ગુન્હો નોંધ્યો હતો. જેલહવાલે થયેલા આરોપી પૈકીના મહિલા આરોપીએ જામીનમુક્ત થવા કરેલી અરજી મંજૂર રખાઈ છે.
જોડિયા તાલુકાના ખીરી ગામમાં આવેલા ભાયાભાઈ નારણભાઈ કંડોરીયા નામના ખેડૂતના ખેતરના શેઢે બાંધવામાં આવેલી ફેન્સીંગમાં વહેતા મૂકાયેલા વીજ કરંટને અડકી જતાં લાલુભાઈ સહેપસિંગ અજનાર નામના શ્રમિકનું મૃત્યુ થયું હતું.
તે પછી આ ખેતરના શ્રમિક કાલુભાઈ ભુરસીંગ બુંદેડીયાએ તે મૃતદેહને દૂર ફેકી દીધો હતો. તેમાં તેના પત્ની કારીબેને સહયોગ આપ્યો હતો. પોલીસે પુરાવાનો નાશ અને મનુષ્ય વધનો ગુન્હો નોંધી આરોપીઓની ધરપકડ કરી હતી. જેલહવાલે થયેલા મહિલા આરોપી કારીબેન કાલુભાઈએ જામીનમુક્ત થવા અરજી કરતા અદાલતે તેણીને જામીન પર મુક્ત કર્યા છે. આરોપી તરફથી વકીલ રણમલ કાંબરીયા, અભિષેક નંદા, રવિ કરમુર તથા હિતેશ ગાગીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
