Author: નોબત સમાચાર
સુભાષપરામાં મોડીરાત્રે ગંજીપાના વડે જુગાર રમી રહેલા ચાર શખ્સ ઝડપાયા
દ્વારકામાંથી એકીબેકીનો જુગાર પકડાયોઃ
જામનગર તા. ૧૩ઃ જામનગરના શંકરટેકરીમાં આવેલા સુભાષપરામાં ગઈરાત્રે ઉદ્યોગનગર પોલીસચોકીના સ્ટાફે પૂર્વ બાતમીના આધારે દરોડો પાડી ચાર પત્તાપ્રેમીને પકડી પાડ્યા છે. પટમાંથી રૂ. ૧૦,૪૮૦ કબજે કરાયા છે. જ્યારે દ્વારકામાંથી બે શખ્સ એકીબેકી બોલી જુગાર રમતા મળી આવ્યા છે.
જામનગરના શંકરટેકરી વિસ્તારમાં આવેલા સુભાષપરા શેરી નં.રમાં ગેબનશા પીરની દરગાહ પાસે ગઈરાત્રે જુગાર રમાતો હોવાની બાતમી પરથી ગઈકાલે રાત્રે ૧૨ વાગ્યે ઉદ્યોગ નગર પોલીસચોકીના પીએસઆઈ આર.ડી. ગોહિલ તથા સ્ટાફે દરોડો પાડ્યો હતો.
ત્યાં ગંજીપાના કૂટી રહેલા આફરીદી મહેબુબ દરજાદા, રમેશ ધીરૂભાઈ સીતાપરા, વિપુલ નારણભાઈ વાઘોરા, દીપક રાજુભાઈ મકવાણા નામના ચાર શખ્સ મળી આવ્યા હતા. પોલીસે પટમાંથી રૂ. ૧૦,૪૮૦ રોકડા કબજે કરી ગુન્હો નોંધ્યો છે.
દ્વારકામાં નરસંગ ટેકરી પાસે ગઈકાલે રાત્રે ચલણી નોટના નંબર પર એકીબેકી બોલી જુગાર રમતા અનિલ રામલખન નિશાદ, વાઢેર ઈન્દ્રજીતસિંહ વિક્રમસિંહ નામના બે શખ્સ ઝડપાઈ ગયા હતા. પોલીસે રોકડ કબજે કરી ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
