નાઈજિરિયામાં સ્કૂલની ઈમારત ધરાશાયી થતા બાવીસથી વધુ વિદ્યાર્થીઓના મૃત્યુ

Author: નોબત સમાચાર

નાઈજિરિયામાં સ્કૂલની ઈમારત ધરાશાયી થતા બાવીસથી વધુ વિદ્યાર્થીઓના મૃત્યુ

૧૦૦ થી વધુ ઘાયલઃ ૧૫૪ કાંટમાળમાં દબાયા

નવી દિલ્હી તા. ૧૩ઃ નાઈજિરિયામાં મોટી કરૂણાંતિકા સર્જાઈ છે. એક સ્કૂલની ઈમારત ધરશાયી થતા બાવીસ વિદ્યાર્થીઓના મૃત્યુ થયા છે, જ્યારે ૧૦૦ થી વધુ ઈજાગ્રસ્ત થયા છે.

અંદાજે ૮ લાખ જેટલા ભારતીયોની વસતિ ધરાવતા નાઈજિરિયામાં એક સ્કૂલની ઈમારત ધરાશાયી થઈ હતી. અહેવાલો અનુસાર દુર્ઘટનામાં અત્યાર સુધીમાં બાવીસથી વધુ વિદ્યાર્થીઓના મૃત્યુ થયા છે. જ્યારે ૧૦૦ થી વધુને રેસ્કયૂ કરાયા હતાં અને ઈજાગ્રસ્તોને સારવાર માટે હોસ્પિટલમાં ખસેડવામાં આવ્યાં છે.

આ ઘટના અંગે માહિતી આપતા પોલીસે જણાવ્યું હતું કે સ્કૂલની ઈમારત ધરાશાયી થયા બાદ ૧પ૪ વિદ્યાર્થીઓ કાળમાળ નીચે ફસાયા હતાં, પરંતુ તેમાથી ૧૩ર ને બચાવી લેવાયા હતાં. ઈજાગ્રસ્તને હોસ્પિટલમાં દાખલ કરવામાં આવ્યા છે. આ ઉપરાંત નાઈજિરિયાની નેશનલ ઈમરજન્સી મેનેજમેન્ટ એજન્સીએ બચાવ અને આરોગ્ય કર્મચારીઓ તેમજ સુરક્ષા દળોને અકસ્માત સ્થળે તહેનાત કર્યા હતાં. નાઈજિરિયન સરકારે ઝડપી તબીબી સુવિધા આપવા માટે હોસ્પિટલોને કોઈપણ દસ્તાવેજ અથવા ચુકવણી વિના સારવાર શરૂ કરવા સૂચના આપી હતી.

જો આપને આ પોસ્ટ ગમી હોય તો શેર કરો...