Author: નોબત સમાચાર
જામનગર જિલ્લાની બહેનોની ટીમ રાજ્યકક્ષાની અંડર-૧૭ ફૂટબોલ ટુર્નામેન્ટમાં બની ચેમ્પિયન
સાંસદ પૂનમબેન માડમ સંચાલિત સ્વ. એચ.આર. માડમ ટ્રસ્ટ તથા રિલાયન્સનો સહયોગ
જામનગર તા. ૧૩ઃ વડોદરામાં ગુજરાત સ્ટેટ ફૂટબોલ એસોસિએશન દ્વારા ઈન્ટર ડિસ્ટ્રીક્ટ અંડર-૧૭ બહેનો માટેની ફૂટબોલ ટુર્નામેન્ટ યોજાઈ હતી.
જામનગર ડિસ્ટ્રીક્ટની ટીમ કે જેમાં મોટાભાગની દીકરીઓ કાલાવડ સહિતના ગ્રામ્ય વિસ્તારોની છે, તે ટીમે રાજ્યમાં ચેમ્પિયન થઈ જામનગર જિલ્લાનું ગૌરવ વધાર્યું છે.
આ ટુર્નામેન્ટમાં ગુજરાતની ર૯ ટીમોએ ભાગ લીધો હતો, જેમાં સુરત, અમદાવાદની ટીમો મજબૂત અને ચેમ્પિયનશીપની દાવેદાર ગણાવી હતી. તેને પરાજીત કરીને જામનગર જિલ્લાની બહેનોની ટીમ ચેમ્પિયન થઈ છે.
જામનગરના સંસદસભ્ય પૂનમબેન માડમના સ્વ. હેમતભાઈ રામભાઈ મેમોરિયલ ટ્રસ્ટ તેમજ રિલાયન્સ ઈન્ડસ્ટ્રીઝ તરફથી જામનગર જિલ્લાની ટીમને સ્પોન્સરશીપ આપવામાં આવી હતી.
આ યુવા બહેનોની ટીમને તૈયાર કરવા માટે અને સતત-સઘન તાલીમ આપવા માટે આદિત્ય પીપરિયા, મૌલિકાબેને ભારે જહેમત ઊઠાવી હતી. આ ઉપરાંત જામનગર ડિસ્ટ્રીક્ટ ફૂટબોલ એસો.ના સેક્રેટરી આનંદભાઈ માડમે પણ નોંધપાત્ર સહયોગ-માર્ગદર્શન આપ્યા હતાં. ટીમ મેનેજર તરીકે કમલેશભાઈ ચાવડા અને દુષ્યંતસિંહ ઝાલાએ જવાબદારી સંભાળી હતી.
જામનગર જિલ્લા અંડર-૧૭ ફૂટબોલ ટીમના ખેલાડીઓમાં જીનલ પરમાર, ત્રીશા રામોલિયા, વિભૂતિ પાલ, પૂૃવા પંડ્યા, દર્શિતા રાઠોડ, સાયલ ગુંદિયા, રેખા મેડા, રીયા ફળદુ, ચંચલ કરકેટા, મિતલ ડાભી, ગુડી ગુંદિયા, જીયા ફળદુ, વંદના સપારા, નર્મદા અમલિયાર, મનિષા મકવાણા, પૂજાબા ગોહિલ, શિલ્પા બીલવાલા, અને સાધના ચૌહાણે ઉત્કૃષ્ટ રમતનું પ્રદર્શન કરી જામનગરનું નામ ફૂટબોલની રમતમાં સમગ્ર રાજ્યમાં રોશન કર્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
