Author: નોબત સમાચાર
હાપા જીઆઈડીસી પાસે પોલીસને જોઈને સ્કૂટરચાલક દારૂની બોટલ મૂકી પલાયન
પ્લાસ્ટિકની બોટલમાં ભરેલો ચાર લીટર દારૂ કબજેઃ
જામનગર તા.૫ : જામનગર હાપા જીઆઈડીસી પાસેથી સ્કૂટરમાં ઈંગ્લીશ દારૂની ૧૨ બોટલ લઈને જતો શખ્સ પોલીસને જોઈને બોટલ, સ્કૂટર મૂકી નાસી ગયો હતો. પોલીસે બંને વસ્તુ કબજે કરી તેની શોધ આરંભી છે. જ્યારે નાગેશ્વરમાં સ્મશાન પાસે એક શખ્સ ચાર લીટર ઈંગ્લીશ દારૂની હેરાફેરી કરતો હતો. ત્યારે પોલીસે ત્રાટકી હતી.
જામનગર નજીકના હાપા પાસે જીઆઈડીસી વિસ્તારમાં ગઈકાલે સાંજે પંચકોશી એ ડિવિઝન પોલીસ સ્ટેશનના સ્ટાફ દ્વારા કરવામાં આવી રહેલા પેટ્રોલિંગમાં જીજે-૧૦-સીઆર ૬૬૪૨ નંબરનું એક્ટિવા પસાર થતાં પોલીસે શકના આધારે તેને રોકાવ્યું હતું.
આ સ્કૂટરનો ચાલક ઉતરી જઈ નાસી ગયો હતો. પોલીસે સ્કૂટરની તલાશી લેતા તેમાંથી ઈંગ્લીશ દારૂની નાની મોટી ૧૨ બોટલ મળી આવી હતી. દારૂ તેમજ સ્કૂટર મળી કુલ રૂ.૩૮,૬૫૦નો મુદ્દામાલ પોલીસે કબજે કરી સ્કૂટરચાલક શખ્સની શોધખોળ શરૂ કરી છે.
જામનગરના નાગેશ્વર વિસ્તારમાં આવેલા સ્મશાન પાસે ગલીમાં આવેલા લાલજી મનસુખભાઈ મકવાણા નામના શખ્સના રહેણાંકમાંથી ગઈકાલે સાંજે પ્લાસ્ટિકની બોટલમાં ભરવામાં આવેલો ચાર લીટર ઈંગ્લીશ દારૂ ઝડપાઈ ગયો છે. દરોડા પહેલાં લાલજી નાસી ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
