Author: નોબત સમાચાર
મેઘપરમાં વેચાણ માટે રખાયેલી દારૂની ચોવીસ બોટલ સાથે બે શખ્સની ધરપકડ
ગુલાબનગરમાંથી ત્રણ બોટલ સાથે બે ઝડપાયાઃ
જામનગર તા. ૧૯: જામનગરના મેઘપર ગામમાંથી ગઈકાલે રાત્રે પોલીસે બે શખ્સને દારૂની ૨૪ બોટલ તથા સ્કૂટર સાથે પકડી પાડ્યા છે. ગુલાબનગરમાંથી ત્રણ બોટલ સાથે બે ઝડપાયા છે. કાલાવડમાંથી એક બોટલ મળી આવી છે અને જામજોધપુરના મોટા વડીયામાંથી એક બોટલ સાથે એક શખ્સની ધરપકડ કરાઈ છે.
જામનગર-ખંભાળિયા માર્ગ પર આવેલા મેઘપર ગામમાં વેચાણ માટે અંગ્રેજી શરાબની બોટલ લાવવામાં આવી હોવાની બાતમી પરથી ગઈકાલે રાત્રે મેઘપર પોલીસ સ્ટેશનના સ્ટાફે વોચ રાખી મેઘપર ગામના દીપકસિંહ ઘોઘુભા પીંગળ તથા ધવલસિંહ કનુભા કંચવા નામના બે શખ્સને પકડી લીધા હતા.
આ શખ્સોના કબજામાંથી અંગ્રેજી શરાબની ૨૪ બોટલ મળી આવી હતી. પોલીસે બોટલ તથા જીજે-૧૦-ડીપી ૯૫૬૯ નંબરના સ્કૂટરને કબજે કરી બંનેની ધરપકડ કરી છે.
જામનગરના ગુલાબનગર વિસ્તારમાં રામવાડીની શેરી નં.૪માં રહેતા ભાવેશ મધુભાઈ ખોખર તથા દીપક મેઘજીભાઈ ગાજપરા નામના બે શખ્સને દારૂની બોટલ સાથે પકડી પાડ્યા છે.
કાલાવડ શહેરના ભગવતી પરામાંથી ધર્મેન્દ્રસિંહ નિર્મળસિંહ જાડેજા નામના શખ્સને દારૂની બોટલ સાથે પોલીસે ઝડપી લીધો છે.
જામજોધપુર તાલુકાના મોટા વડીયા ગામથી રબારીકા જવાના રસ્તા પર ગઈકાલે બપોરે પસાર થઈ રહેલા રામશીભાઈ ખીમાભાઈ ડાંગર નામના શખ્સને વોડકાની એક બોટલ સાથે પોલીસે પકડી પાડી આ શખ્સનો રૂા.પ હજારનો મોબાઈલ ફોન પણ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
