Author: નોબત સમાચાર
ફોટા પાડતો હોવાની શંકા સેવી એક યુવાનને ચાર શખ્સે સરાજાહેર ઢીબ્યો
ઝઘડો ન કરવાનું કહેતા ધ્રોલમાં યુવકને માર પડ્યોઃ
જામનગર તા. ૧૭: જામનગરના પટ્ટણીવાડ પાસે એક યુવાન પોતાના મોબાઈલ પર વાત કરતો હતો ત્યારે ફોટા પાડવા તથા વીડિયો ઉતારવાની શંકા રાખી ચાર શખ્સે તેને ધોકાવી નાખ્યો હતો. જ્યારે ધ્રોલમાં એક યુવાને પોતાના પાડોશીને મા, બાપ સાથે ઝઘડો નહીં કરવાનું કહેતા તેને ફટકારીને હાથ ભાંગી નખાયો હતો.
જામનગરના કાલાવડ નાકા વિસ્તારમાં આવેલા પટ્ટણીવાડ પાસે પુરબીયાની ખડકી નજીક રહેતો સમીર ઈકબાલભાઈ કુરેશી નામનો યુવાન પોતાના પત્ની સાથે બાઈક પર જતો હતો ત્યારે પટ્ટણીવાડ નજીક તેને મોબાઈલ પર કોલ આવતા તેણે બાઈક સાઈડમાં ઉભુ રાખીને વાત શરૂ કરી હતી. આ વેળાએ ત્યાં હાજર ઈરફાન નામના શખ્સે તું અમારા ફોટા પાડે છે અને વીડિયો ઉતારે છે તેમ કહી ફડાકો ઝીંકયો હતો.
ત્યારપછી ઈરફાન અને ખાલીદ કોઠારી, કોનુ તથા સોનુ નામના ચાર શખ્સે ઢીકાપાટુથી માર મારી જાનથી મારી નાખવાની ધમકી આપી હતી. સમીર કુરેશીએ સિટી એ ડિવિઝન પોલીસ સ્ટેશનમાં ફરિયાદ નોંધાવી છે.
ધ્રોલ નજીક રાજકોટ હાઈવે પર એક હોટલ નજીક વસવાટ કરતા સાગરભાઈ હરસુખભાઈ પરમાર નામના દેવીપૂજક યુવાને પોતાના પાડોશમાં રહેતા લખન સુખાભાઈ સાડમીયા નામના શખ્સને તેના માતા-પિતા સાથે ઝઘડો ન કરવા સાગરભાઈએ સલાહ આપી હતી. તે સલાહ ન ગમતા લખન ઉશ્કેરાયો હતો.
ત્યારપછી આ બાબતનો ખાર રાખી ગુરૂવારે સાંજે સાગરભાઈ પર ધોકાથી લખન સાડમીયાએ હુમલો કરી ગાળો ભાંડી માર માર્યાે હતો. ફ્રેક્ચર સહિતની ઈજા પામેલા સાગર ભાઈને સારવાર માટે દવાખાને ખસેડવામાં આવ્યા છે. તેણે પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
