Author: નોબત સમાચાર
જામનગર તથા કલ્યાણપુર પંથકમાંથી ઝડપાઈ રૂા.૫૯.૬૫ લાખની વીજચોરી
૪૭ વીજજોડાણમાંથી ઝડપી લેવાઈ ગેરરીતિઃ
જામનગર તા. ૭: જામનગરના પવનચક્કી, સાધના કોલોની સહિતના વિસ્તારો ઉપરાંત કલ્યાણપુર પંથકમાં ગઈકાલે કરવામાં આવેલા વીજ ચેકીંગમાં રૂા.૫૯.૬૫ લાખની વીજચોરી મળી આવી છે.
જામનગરની સ્થાનિક પીજીવીસીએલ કચેરી દ્વારા બંને જિલ્લામાં વીજચોરી ડામી દેવા માટે શરૂ કરેલી ચેકીંગ ડ્રાઈવ અંતર્ગત ગઈકાલે સ્થાનિક અધિકારીઓના વડપણ હેઠળ ૩૬ ટૂકડીએ જામનગર, ખંભાળિયા ધોરીમાર્ગ પર આવેલા નાઘેડી, સરમત, લાખાબાવળ સહિતના ગામો ઉપરાંત જામનગરના પવનચક્કી તથા હર્ષદમીલની ચાલી, સાધના કોલોની વિસ્તારમાં વીજ ચેકીંગ કર્યું હતું.
તે ઉપરાંત કલ્યાણપુર તાલુકાના ગઢકા, પટેલકા, ડાંગરવડ સહિતના ગામોમાં પણ ચેકીંગ ટૂકડીઓ પહોંચી હતી. દિવસ દરમિયાન કુલ ૩૩૭ વીજજોડાણ ચકાસાયા હતા. તેમાંથી ૪૭ વીજજોડાણ માં ગેરરીતિ મળી આવતા રૂા.૫૯ લાખ ૬૫ હજારના બીલ આપવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
