Author: નોબત સમાચાર
જામનગરમાં આવેલા રાજકોટના દંપતીના ભૂલાયેલા પર્સને શોધી આપતું કમાન્ડ સેન્ટર
રૂા.૨ લાખ ૪૦ હજારના દાગીનાવાળું પર્સ પરત કરાયું:
જામનગર તા. ૭: જામનગરમાં રાજકોટથી આવેલા એક દંપતીનું સોનાના દાગીના સાથેનું પર્સ એક મોટરમાં ભુલાઈ ગયું હતું. રૂા.૨ લાખ ૪૦ હજારના દાગીનાવાળું આ પર્સ પોલીસના કમાન્ડ એન્ડ કંટ્રોલ સેન્ટરે શોધી આપ્યું છે.
રાજકોટમાં વસવાટ કરતા મહેશભાઈ ટપુભાઈ નકુમ અને તેમના પત્ની જામનગર આવવા માટે જીજે-૩-એનએફ ૨૧૧૫ નંબરની અર્ટીગા મોટરમાં નીકળ્યા પછી જામનગરમાં ગુલાબનગર પાસે આવેલા ઓવરબ્રિજ નજીક ઉતર્યા હતા. તે વેળાએ તેમના પત્નીનું પર્સ મોટરમાં ભુલાઈ ગયું હતું. તે પર્સમાં સોનાનો સેટ, બે બુટી હતી જેની અંદાજિત કિંમત રૂા.૨ લાખ ૪૦ હજાર થાય છે.
તેઓએ શોધખોળ કર્યા પછી જામનગર પોલીસના કમાન્ડ એન્ડ કંટ્રોલ સેન્ટરનો સંપર્ક કર્યાે હતો. પીએસઆઈ પી.પી. જાડેજાના માર્ગદર્શન હેઠળ હે.કો. પ્રદીપસિંહ સોઢા, રેખાબેન દાફડા તથા એન્જિનિયર પ્રિયંક કનેરીયાએ તે વિસ્તારના સીસીટીવી ફૂટેજ ચકાસ્યા પછી મોટર તથા તેના માલિકને શોધી કાઢ્યા હતા અને મહેશભાઈ નકુમને સોનાના દાગીના સહિતનું પર્સ પરત અપાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
