Author: નોબત સમાચાર
મોટી લાખાણી ગામની સીમમાંથી દેશી દારૂની ભઠ્ઠી કબજેઃ બે સામે નોંધાયો ગુન્હો
જોગવડમાંથી દેશી દારૂની હેરાફેરી ઝડપાઈઃ
જામનગર તા. ૭: જામનગર-ખંભાળિયા ધોરીમાર્ગ પર જોગવડ ગામમાં દેશી દારૂની હેરાફેરી કરતા એક શખ્સને પોલીસે ૧૦૫ લીટર દેશી દારૂ સાથે પકડી પાડ્યો છે. મોટી લાખાણી ગામની સીમમાંથી દેશી દારૂની ભઠ્ઠી ચલાવતો શખ્સ ઝડપાયો છે તેણે સાગરિતનું નામ આપ્યું છે. ત્યાંથી ૧૮૦૦ લીટર આથો, તૈયાર દારૂ મળી આવ્યો હતો. માંડાસણ ગામ પાસેથી બાઈકમાં દારૂની બોટલ લઈ જતો શખ્સ ઝડપાયો છે.
જામનગર-ખંભાળિયા માર્ગ પર આવેલા જોગવડ ગામના તળાવનેસમાં ગઈકાલે મેઘપર પોલીસના સ્ટાફ દ્વારા દરોડો પાડવામાં આવ્યો હતો. ત્યાં રહેતા માકરાજ નાથસુર ચારણ ઉર્ફે માકા નામના શખ્સના મકાનમાંથી ૧૦૫ લીટર દેશી દારૂ તથા દારૂના સાધનો, એક બાઈક, મોબાઈલ, રૂા.૭૦૦ રોકડા મળી કુલ રૂા.૪૧,૮૩૦ નો મુદ્દામાલ કબજે કર્યાે છે.
જામનગર તાલુકાના મોટી લાખાણી ગામની સીમમાં નાની લાખાણી ગામના એક શખ્સ દ્વારા ચલાવાતી દેશી દારૂની ભઠ્ઠી પર ગઈકાલે સાંજે પંચકોશી એ ડિવિઝન પોલીસ સ્ટેશનના સ્ટાફે દરોડો પાડ્યો હતો. ત્યાંથી ૨૮૩ લીટર તૈયાર દારૂ, બેરલ, ગેસનો બાટલો તેમજ ૧૮૦૦ લીટર આથો કબજે કરાયા છે. પોલીસે રાજેન્દ્રસિંહની ધરપકડ કરી છે. તેણે પોતાના સાગરિત વિજયસિંહ મહિપતસિંહ જાડેજાનું નામ આપ્યું છે.
જામજોધપુર તાલુકાના બુટાવદર ગામથી માંડાસણ ગામના રસ્તા પરથી ગઈકાલે સાંજે પસાર થતાં બગધરા ગામનો જતીન મનસુખભાઈ શિલુ નામનો શખ્સ દારૂની બોટલ સાથે ઝડપાઈ ગયો છે. પોલીસે બોટલ તથા જીજે-૪-જેએમ ૪૨૦ નંબરનું બાઈક કબજે કરી લીધુ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
