Author: નોબત સમાચાર
કાલાવડના મુળીલામાં જમીનમાં પ્રવેશી ઝાડ કાપી નાખનાર બે સામે કરાઈ રાવ
કાપેલા ઝાડને રૂપિયા સાડા ત્રણ લાખમાં વેચી નખાયું:
જામનગર તા. ૭: કાલાવડના મુળીલા ગામમાં આવેલી એક જમીનમાં ગયા મંગળવારે મચ્છલીવડ ગામના બે શખ્સ ધોકા સાથે ઘૂસી ગયા હતા. તેઓએ બળજબરી કર્યા પછી આ જમીનમાં વાવેલા એક ઝાડનો સોથ બોલાવી દીધો હતો અને તેનો સોદો રૂા.સાડા ત્રણ લાખમાં કરી નાખ્યો હતો. જમીન માલિકે પોતાની જમીનમાં ગેરકાયદે પ્રવેશ કરવા તથા રૂા.સાડા ત્રણ લાખનું નુકસાન કરવા તેમજ ધમકી આપવા અંગે પોલીસમાં આ શખ્સો સામે ફરિયાદ કરી છે.
કાલાવડ તાલુકાના નપાણીયા ખીજડિયા ગામના વતની અને હાલમાં રાજકોટના મવડી પ્લોટમાં પટેલનગર કો. હાઉસીંગ સોસાયટીમાં રહેતા હરસુખભાઈ ભાદાભાઈ અકબરી નામના આસામીની કાલાવડ તાલુકાના મુળીલા ગામની સીમમાં રે.સ.નં. ૧૦૦૮માં જમીન આવેલી છે.
તે જમીનમાં ગયા મંગળવારે સવારે કાલાવડ તાલુકાના મચ્છલીવડ ગામના વનરાજસિંહ સુખદેવસિંહ જાડેજા તથા તેમના ભાઈ શુભરાજસિંહ સુખદેવસિંહ ધોકા સાથે ધસી આવ્યા હતા.
આ વ્યક્તિઓએ ગેરકાયદેસર પ્રવેશ કર્યા પછી બળજબરીથી કઢાવી લેવા માટે ધમાલ કર્યા પછી તે જગ્યામાં વાવેલા મલાબાર લીમડાના ઝાડને કાપી નાખ્યું હતું અને તેનું રૂપિયા સાડા ત્રણ લાખમાં વેચાણ કરી નાખ્યું હતું. પોતાની જમીનમાં ગેરકાયદે પ્રવેશ કરી ઝાડ કાપી નાખવા અને રૂા.સાડા ત્રણ લાખનું નુકસાન કરવા અંગે હરસુખભાઈએ કાલાવડ ગ્રામ્ય પોલીસ મથકમાં વનરાજસિંહ તથા શુભરાજ સિંહ સામે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
