Author: નોબત સમાચાર
જામનગરમાં સરકારે ટેકાના ભાવે મગફળી ખરીદીનો કર્યો પ્રારંભ
આજથી જામનગરના હાપા માર્કેટ યાર્ડમાં સરકાર દ્વારા ટેકાના ભાવે મગફળી ખરીદીનો પ્રારંભ કર્યો છે. આજે સવારે જિલ્લા ભાજપ પ્રમુખ રમેશભાઈ મુંગરા, અને યાર્ડના ચેરમેન મુકુન્દભાઈ સભાયાની ઉપસ્થિતિમાં જામનગર તાલુકા ખરીદ વેચાણ સંઘ લિ. મારફત ટેકાના ભાવે મગફળી ખરીદી શરૂ કરવામાં આવી હતી. આ વર્ષ પ્રતિ મણના રૂ. ૧૩૫૬ અને ૬૦ પૈસાના ભાવે મગફળીની ખરીદી કરવામાં આવી રહી છે. આથી જામનગરમાં ૯૦૦૦ ખેડૂતએ પોતાની મગફળી વેચાણ માટે નોંધણી કરાવી છે. આજે પપ ખેડૂતોને મેસેજ કરીને મગફળી સાથે બોલાવવામાં આવ્યા હતા તેમાંથી માત્ર ૧૧ ખેડૂતો આવ્યા હતા તેમ સંઘના મેનેજર પ્રભુલાલ મણીયારએ જણાવ્યું હતું. ગત વર્ષ પ્રતિમણના રૂ. ૧૨૭૫ નો ભાવ નક્કી થયો હતો પરંતુ ખુલ્લા બજારમાં વધુ ભાવ મળતા હોવાથી એક પણ ખેડૂત મગફળી વેચાણ માટે આવ્યા ન હતાં. પરંતુ આ વર્ષ ૧૩૫૬ રૂપિયાનો ભાવ હોવાથી ખેડૂતો મગફળી વેચાણ માટે આવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
