Author: નોબત સમાચાર
પ્રતિબંધિત ગોગો સ્મોકીંગ કોન તથા ગોગો પેપરની પટી કબજે કરી લેતી એસઓજી ટીમ
જામનગર તથા મોટી ખાવડીમાં બે સ્થળે ચકાસણીઃ
જામનગર તા. ૨૦: જામનગર તથા મોટી ખાવડીમાં ગઈકાલે એસઓજી ટીમે પ્રતિબંધિત ગોગો સ્મોકીંગ કોન પકડવા પાડેલા દરોડામાં પાનની બે દુકાનમાંથી સ્મોકીંગ કોન મળ્યા છે. એક દુકાનમાંથી ગોગો પેપરની સાત પટી પણ ઝડપાઈ ગઈ છે.
સમગ્ર રાજ્યમાં નશાકારક પદાર્થનું સેવન કરવાના ઉપયોગમાં લેવાતા રોલીંગ પેપર, ગોગો સ્મોકીંગ કોન જેવી વસ્તુઓનો ઉપયોગ થતો હોવાની વિગતો પ્રકાશમાં આવતા અને આવી ચીજવસ્તુઓ પાનની દુકાનો, ચાની દુકાનો, કરિયાણાની દુકાનોમાં વેચાણ થતી હોવાની જાણકારી મળતા ગૃહવિભાગ દ્વારા આવી વસ્તુઓને પકડી પાડવા અને તેનું વેચાણ ન થાય તે માટે જાહેરનામું પ્રસિદ્ધ કરવામાં આવતા સમગ્ર રાજ્યની પોલીસ હરકતમાં આવી છે.
તે દરમિયાન જામનગર જિલ્લાના ઈન્ચાર્જ એસપી પ્રતિભાની સુચનાથી ચકાસણી માટે એલસીબી, એસઓજીને આદેશ કરાતા પીઆઈ વી.એમ. લગારીયાના વડપણ તથા પીએસઆઈ એ.વી. ખેર તથા પોલીસ ટીમો દ્વારા ચેકીંગ કરાઈ રહ્યું છે.
તે દરમિયાન ગુલાબનગર નજીક પહેલા ઢાળીયા પાસે આરઝુ પાન નામની દુકાન ચલાવતા અહેમદશા શબ્બીરશા શાહમદાર નામના શખ્સને ત્યાં ચકાસણી કરાતા ત્યાંથી ૩૫ નંગ ગોગો સ્મોકીંગ કોન અને ગોગો પેપરની સાત પટી મળી આવી હતી. જ્યારે મોટી ખાવડી નજીક રામબાબુ ગુપ્તા પાનની દુકાનમાંથી ર૯ નંગ ગોગો સ્મોકીંગ કોન મળી આવ્યા હતા. બંને દુકાનદારો સામે પોલીસે ધોરણસર કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
