Author: નોબત સમાચાર
દ્વારકા જિલ્લાની ડ્રાફ્ટ મતદાર યાદીઓ થઈ પ્રસિદ્ધઃ જિલ્લા ચૂંટણી અધિકારીની રાજકીય પક્ષો સાથે બેઠક
રાજકીય ૫ક્ષોને નકલો સોંપી માહિતી અપાઈઃ આગળની કામગીરી માટે સૌનો સહયોગ મંગાયો
ખંભાળીયા તા. ર૦: મતદાર યાદી ખાસ સુધારણા કાર્યક્રમ હેઠળ દેવભૂમિ દ્વારકા જિલ્લાની મુસદ્દા મતદાર યાદીની પ્રસિદ્ધિ સંદર્ભે જિલ્લા ચૂંટણી અધિકારી રાજેશ તન્નાની અધ્યક્ષતામાં માન્ય રાજકીય પક્ષો સાથે બેઠક યોજાઈ હતી. જેમાં વિગતવાર માહિતી આપી ડ્રાફ્ટ યાદીની નકલો સુપરત કરાઈ હતી.
આ અનુસંધાને દેવભૂમિ દ્વારકા જિલ્લા ચૂંટણી અધિકારી રાજેશ તન્નાની અધ્યક્ષતામાં જિલ્લાના માન્ય રાજકીય પક્ષોના પ્રતિનિધિઓ સાથે બેઠક યોજાઈ હતી. બેઠક દરમિયાન તમામ રાજકીય પક્ષોના પ્રતિનિધિઓને મુસદ્દા મતદારયાદીની નકલ પૂરી પાડવામાં આવી તેમજ ગણતરી ફોર્મ્સ પરત ન મળવાના કારણે જેમના નામ મુસદ્દા મતદાર યાદીમાં સમાવિષ્ટ ન થઈ શક્યા હોય તેવા એએસડી મતદારોની યાદી પણ આપવામાં આવી હતી.
જિલ્લા ચૂંટણી અધિકારી દ્વારા મુસદ્દા મતદારયાદીની પ્રસિદ્ધિ બાદ હાથ ધરવામાં આવનાર પ્રક્રિયાઓ જેમ કે હક્ક-દાવા અને વાંધા અરજીઓ વધુ કરવાની પ્રક્રિયા, નોટીસ ઈસ્યુ કરવી. સુનાવણી તથા ચકાસણી ગણતરી ફોર્મ પર નિર્ણય, હક્ક-દાવા અને વાંધા અરજીઓનો નિકાલ તથા અંતે મતદારયાદીની આખરી પ્રસિદ્ધિ અંગે વિગતવાર માહિતી આપવામાં આવી હતી.
દેવભૂમિ દ્વારકા જિલ્લામાં સમગ્ર પ્રક્રિયા સરળ, પારદર્શક અને ક્ષતિરહિત રીતે પૂર્ણ થાય તે હેતુથી જિલ્લા ચૂંટણી અધિકારી અને કલેક્ટર રાજેશ તન્ના દ્વારા તમામ માન્ય રાજકીય પક્ષોને જિલ્લા વહીવટી તંત્રને પૂરતો સહયોગ આપવા અનુરોધ કરાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
