આસામમાં રાજધાની એક્સપ્રેસ સાથે અથડાતા આઠ જંગલી હાથીઓના મોતઃ એક ગંભીર

Author: નોબત સમાચાર

આસામમાં રાજધાની એક્સપ્રેસ સાથે અથડાતા આઠ જંગલી હાથીઓના મોતઃ એક ગંભીર

સદ્ભાગ્યે કોઈ મુસાફરને ઈજા થઈ નથી, પરંતુ રેલવ્યવહાર ખોરવાઈ ગયોઃ ઈમરજન્સી બ્રેક લગાવ્યા છતાં દુર્ઘટના અટકાવી શકાઈ નહીં

હોજાઈ તા. ૨૦: આજે સવારે આસામના હોજાઈ પાસે ટ્રેન સાથે ટક્કર થતા ૮ હાથીઓનાં મોત થયા છે, જયારે ૫ ડબ્બા-એન્જીન ડિરેલ થયા છે. જો કે, કોઈ મુસાફરોને ઈજા નથી થઈ, અકસ્માતને કારણે અનેક ટ્રેનોને અસર થઈ છે.

આસામના હોજાઈ જિલ્લામાં આજે વહેલી સવારે એક ભયાનક ઘટના બની. સૈરાંગ-નવી દિલ્હી રાજધાની એક્સપ્રેસ ટ્રેન હાથીઓના ટોળા સાથે અથડાઈ. આ અકસ્માતમાં આઠ જંગલી હાથીઓના મોત થયા અને એક ગંભીર રીતે ઘાયલ થયો, વન વિભાગના અધિકારીએ પુષ્ટિ આપી છે.

આ અકસ્માત એટલો ગંભીર હતો કે ટ્રેનના અનેક ડબ્બા પાટા પરથી ઉતરી ગયા.સૈરંગ-નવી દિલ્હી રાજધાની એક્સપ્રેસ ટ્રેન જંગલી હાથીઓના ટોળા સાથે અથડાઈ. ટક્કર એટલી ગંભીર હતી કે ટ્રેનનું એન્જિન અને પાંચ કોચ પાટા પરથી ઉતરી ગયા. વન અધિકારીઓના જણાવ્યા અનુસાર, હોજાઈ જિલ્લા નજીક થયેલા અકસ્માતમાં આઠ હાથીઓના મોત થયા હતા.

સદનસીબે, આ અકસ્માતમાં કોઈ મુસાફરોને ઈજા થઈ નથી. નોર્થઈસ્ટ ફ્રન્ટીયર રેલવે (એનએફઆર) ના પ્રવક્તાએ જણાવ્યું કે ટક્કરને કારણે ટ્રેનનું એન્જિન અને પાંચ ડબ્બા પાટા પરથી ઉતરી ગયા. આ અકસ્માત સવારે લગભગ ૨:૧૭ વાગ્યે જમુનામુખ-કામપુર સેક્શનના ચાંગજુરાઈ વિસ્તારમાં થયો હતો. સદનસીબે, ટ્રેનમાં કોઈ મુસાફરોને ઈજા થઈ નથી.

આ ઘટના ફરી એકવાર જંગલી પ્રાણીઓ અને માનવ પ્રવૃત્તિઓ વચ્ચેના સંઘર્ષની ગંભીર સમસ્યાને ઉજાગર કરે છે. વન અધિકારીઓ અને રેલ્વે કર્મચારીઓ બચાવ કામગીરી હાથ ધરવા માટે સાથે મળીને કામ કરી રહૃાા છે અને ભવિષ્યમાં આવી ઘટનાઓ અટકાવવાના પગલાં પર પણ ધ્યાન કેન્દ્રિત કરી રહૃાા છે. નાગાંવ ડિવિઝનલ ફોરેસ્ટ ઓફિસર સુહાશ કદમે જણાવ્યું કે વન વિભાગની ટીમ ઘટનાસ્થળે પહોંચી ગઈ છે અને પરિસ્થિતિનું મૂલ્યાંકન કરી રહી છે. સ્થાનિક રહેવાસીઓના જણાવ્યા અનુસાર, ટોળામાં લગભગ નવ હાથીઓ હતા, જેમાંથી મોટાભાગનાના ઘટનાસ્થળે જ મૃત્યુ થયા હતા.

રેલવે અધિકારીઓના જણાવ્યા અનુસાર, લોકો પાઇલટે પાટા પર હાથીઓને જોતા જ ઇમરજન્સી બ્રેક લગાવી હતી, પરંતુ હાથીઓ ટ્રેન સાથે અથડાઈ ગયા, જેના કારણે આ અકસ્માત થયો. આ સ્થળને હાથી કોરિડોર તરીકે નિયુક્ત કરવામાં આવ્યું નથી.

આ દુર્ઘટના પછી અસરગ્રસ્ત વિભાગમાંથી પસાર થતી ટ્રેનોને અપ લાઇન પર વાળવામાં આવી છે. યુદ્ધના ધોરણે પુનઃસ્થાપન કાર્ય ચાલી રહૃાું છે, અને અકસ્માત રાહત ટ્રેનો ઘટનાસ્થળે પહોંચી ગઈ છે. પાટા પર હાથીઓના અવશેષો વિખરાયેલા હોવાથી ઉપલા આસામ અને ઉત્તરપૂર્વના અન્ય ભાગોમાં રેલ સેવાઓ પ્રભાવિત થઈ છે. સૈરંગ-નવી દિલ્હી રાજધાની એક્સપ્રેસ એ મિઝોરમમાં સૈરંગ (આઈઝોલ નજીક) ને દિલ્હીના આનંદ વિહાર ટર્મિનલ સાથે જોડતી એક મુખ્ય ટ્રેન છે. આ દુર્ઘટના પછી જંગલી પ્રાણીઓના રેલવે અકસ્માતમાં થતા મૃત્યુની વ્યાપક ચર્ચા ફરી એક વખત શરૂ થઈ ગઈ છે.

જો આપને આ પોસ્ટ ગમી હોય તો શેર કરો...