Author: નોબત સમાચાર
જામખંભાળિયા નગરપાલિકામાં દોઢ મહિનાથી બાર કરોડની ગ્રાન્ટ હોવા છતાં આયોજનનો અભાવઃ વહીવટ ઠપ્પ જેવી સ્થિતિ
ખંભાળિયા નગરપાલિકાનું અણઘડ વહીવટનું નવું તૂત!!
ખંભાળિયા તા. ર૦: ખંભાળિયા નગરપાલિકામાં અગાઉ વિકાસ માટે ગ્રાન્ટ ઓછી પડતી તો ક્યારેક ગ્રાન્ટ હોય તો પાલિકામાં વિસ્તાર ઓછો થતો હોય, વિકાસ કાર્યો માટે વિસ્તાર ના હોવાની સ્થિતિ થતી હોય, પરેશાની થતી પણ તાજેતરમાં રાજ્ય સરકારે 'એ' ગ્રેડની નગરપાલિકા બનાવીને ૧ર સદસ્યો વધે તેટલો નવો વિસ્તાર પણ આપ્યો છતાં પણ જાણે અધિકારીને કામ ના કરવું હોય તેવી સ્થિતિ થતા બાર કરોડ જેવી માતબર રકમ વિકાસની આવીને દોઢ માસથી પડી હોય, કંઈ કામ ના થતા આયોજન પણ ના થતાં પાલિકાનો વહીવટ ટીકાપાત્ર બન્યો છે.
ર૦રપ/ર૬ ની સ્વર્લીમ જયંતી મુખ્યમંત્રીશ્રી વિકાસ યોજનાની બાર કરોડની ગ્રાન્ટ જેની દોઢ માસથી વહીવટી મંજુરી પણ મળી હોવા છતાં કોઈ 'અકળ' કારણોસર આ ગ્રાન્ટના વિકાસ કાર્યોની કંઈ ટેન્ડર પ્રક્રિયા પણ દોઢ માસથી થઈ નથી.
ખંભાળિયા શહેરમાં નવા ભળનારા વિસ્તારો લાઈટ, ગટર, રસ્તા, સફાઈ માટે આશાવાદી છે, ત્યારે આવડી મોટી રકમના વિકાસ કાર્યોના ટેન્ડર પણ જો દોઢ માસથી ના થતા હોય તો પ્રાદેશિક નિયામકની કચેરી રાજકોટ શું કરે છે? તેનો પણ પ્રશ્ન ઊઠ્યો છે કે શું ત્યાં પણ આવી બેદરકારી છે?
ખંભાળિયા શહેરના વિકાસ માટે સરકાર કરોડોની ગ્રાન્ટ આપે છે, ત્યારે ખંભાળિયાનો વહીવટ જાણે ઠપ્પ થયો હોય તેવી સ્થિતિ ભારે ટીકાપાત્ર બની છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
