જામનગરના ભેળિયાવાળી ખોડિયાર મિત્ર મંડળ દ્વારા પદયાત્રા સંઘ રવાના

Author: નોબત સમાચાર

જામનગરના ભેળિયાવાળી ખોડિયાર મિત્ર મંડળ દ્વારા પદયાત્રા સંઘ રવાના

ચૈત્ર મહિનાના નવરાત્રિના પાવન દિવસોમાં જામનગર સહિતના શહેરોમાંથી માતાજીની આરાધના માટે પગપાળા સંઘ રવાના થતાં હોય છે. ત્યારે ગઈકાલે જામનગરના આઈશ્રી ભેળિયાવાળી ખોડિયાર મિત્ર મંડળ દ્વારા દર વર્ષની જેમ આ વર્ષે પણ પંચેશ્વર ટાવર પાસેથી માટેલધામ તથા ચોટિલાધામ સુધી પદયાત્રા સંઘ રવાના થયો હતો. મોટી સંખ્યામાં ભાઈઓ-બહેનો આ પગપાળામાં જોડાયા હતાં. પૂર્વમંત્રી ધર્મેન્દ્રસિંહ જાડેજા (હકુભા)ના સુપુત્ર જગદિસસિંહ જાડેજા સહિતના અનેક રાજપૂત અગ્રણીઓ તથા આગેવાનોએ દિપ પ્રાગટ્ય કરી અને પદયાત્રા સંઘને પ્રસ્થાન કરાવ્યું હતું. આ પદયાત્રા સંઘમાં ઠેર-ઠેર સેવા કેમ્પ પણ રાખવામાં આવે છે. જેમાં તમામ જરૂરી ચીજવસ્તુઓની સેવાઓ દાતાઓ દ્વારા કરવામાં આવતી હોય છે. તેમજ પદયાત્રા સંઘના સંચાલકો દ્વારા પણ પદયાત્રાઓને કોઈપણ જાતની મુશ્કેલીઓ ના પડે તેનું પણ ખાસ ધ્યાન રાખવામાં આવે છે. પદયાત્રીઓ ઠેર-ઠેર જમવાની, ચા-પાણી, નાસ્તાની, દૂધકોલ્ડ્રીંક્સ સહિતની સેવાઓ પુરી પાડવામાં આવે છે. તેમજ ચૈત્રી સુદ આઠમના માટેલધામમાં ખોડિયાર માતાજીના મંદિરે ધ્વજાજી પણ ચડાવવામાં આવે છે. (તસ્વીરઃ નિર્મલ કારીયા)

જો આપને આ પોસ્ટ ગમી હોય તો શેર કરો...