જામનગરમાં એપ્રિલ માસના પ્રારંભે ઉનાળાએ પકડી રફ્તારઃ મહત્તમ તાપમાન ૩૮.પ ડીગ્રી નોંધાયું

Author: નોબત સમાચાર

જામનગરમાં એપ્રિલ માસના પ્રારંભે ઉનાળાએ પકડી રફ્તારઃ મહત્તમ તાપમાન ૩૮.પ ડીગ્રી નોંધાયું

છેલ્લા ૪૮ કલાકમાં તાપમાનનો પારો ૪ ડીગ્રી ઊંચકાયોઃ

જામનગર તા. રઃ જામનગરમાં એપ્રિલમાસના પ્રારંભે ઉનાળાએ ગતિ પકડી લીધી છે. છેલ્લા ૪૮ કલાકમાં મહત્તમ તાપમાનનો પારો ૪ ડીગ્રી સુધી ઊંચકાયને ૩૮.પ ડીગ્રીએ પહોંચી જતા જનતા આકરા તાપથી ત્રાહિમામ્ પોકારી ઊઠી છે.

જામનગરમાં ગરમીની બાબતે માર્ચ માસ એકંદરે મધ્યમ રહ્યો હતો. મોટાભાગે ઠંડી અને ગરમીભરી મિશ્ર ઋતુ અનુભવાઈ હતી, પરંતુ ઉનાળાએ એપ્રિલ માસના પ્રારંભે જ ગતિ પકડી લીધી હોય તેવું લાગી રહ્યું છે. ઉનાળો ધીમે ધીમે કાળઝાળ રૂપ ધારણ કરી રહ્યો છે.

જામનગરમાં છેલ્લા ૪૮ કલાકમાં મહત્તમ તાપમનનો પારો સળસળાટ ૪ ડીગ્રી સુધી ઊંચકાયને ૩૮.પ ડીગ્રીએ પહોંચી ગયો છે તથા ૧.૮ ડીગ્રીના વધારા સાથે લઘુતમ તાપમાન ૧૯.પ ડીગ્રી નોંધાયું હતું. મહત્તમ તાપમાન ૩૮ ડીગ્રીને પાર કરી જતા ગઈકાલે નભમાંથી અગનવર્ષા થઈરહી હોય તેવા આકરા તાપની અનુભૂતિ નગરજનોએ કરી હતી. આગામી દિવસમાં તાપમાન વધવાથી વધારે ગરમી પડવાની સંભાવના હવામાન વિભાગ દ્વારા કરવામાં આવી છે.

આકરા તાપ સામે રક્ષણ મળે તે માટે લોકોએ બપોરે કામ વગર ઘરની બહાર જવાનું ટાળ્યું હતું. આ ઉપરાંત ઋતુગત ફળો, છંડા-પીણા, એસી, એરકુલરનો સહારો પ્રજાજનો લઈ રહ્યા છે. સાંજથી વાતાવરણમાં ઠંડક પ્રસરતા જનતાએ રાહત અનુભવી હતી.

જામનગરમાં આજે સવારે પૂરા થતા ચોવીસ કલાક દરમિયાન કોઈ વધારા કે ઘટાડા વગર વાતાવરણમાં ભેજનું પ્રમાણ ૬૭ ટકાએ સ્થિર રહ્યું હતું. પવનની ગતિ પ્રતિકલાકની સરેરાશ ૧પ થી ર૦ કિ.મી.ની રહેવા પામી હતી.

જો આપને આ પોસ્ટ ગમી હોય તો શેર કરો...