Advertisement
Author: નોબત સમાચાર

રણજીતનગરમાં વાહનમાં લોહીનો વેપાર કરાવતો શખ્સ ત્રણ દિવસના રિમાન્ડ પર

આ શખ્સના ફોનની કોલ ડીટેઈલ કઢાવતી પોલીસઃ

જામનગર તા.૨ : જામનગરના રણજીતનગર વિસ્તારમાં એક મીની બસમાં લોહીનો વેપાર કરાવતા પૂર્વ પોલીસ અધિકારીના પુત્રની પોલીસે ધરપકડ કર્યા પછી અદાલતે આ આરોપીને ત્રણ દિવસના રિમાન્ડ પર સોંપ્યો છે. આરોપી પાસેથી મળેલા મોબાઈલની કોલ ડીટેઈલ કઢાવવા સહિતની પ્રક્રિયા કરવામાં આવી રહી છે.

જામનગરના રણજીતનગર વિસ્તારમાં આવેલા હુડકા પાસે એક મીની બસમાં કોઈ અનૈતિક કામ થઈ રહ્યું હોવાની બાતમી પરથી પોલીસે પાડેલા દરોડામાં એક મીની બસ અને તેની બાજુમાંથી મોટર મળી આવી હતી. મીની બસમાં પરપ્રાંતમાં થી આવેલી યુવતી અને દ્વારકાનો એક શખ્સ શરીરસુખ માણતા ઝડપાયા હતા. પોલીસને જોઈને દ્વારકાનો શખ્સ નાસી ગયો હતો.

પોલીસે તે યુવતીને પૂછપરછ કર્યા પછી વિકાસગૃહે ખસેડી હતી અને તેણીને બોલાવી લોહીનો વેપાર કરાવતા પૂર્વ પોલીસ અધિકારીના પુત્ર અશોકસિંહ પ્રવીણસિંહ ઝાલાની મોટર સાથે અટકાયત કરી લીધી હતી. પોલીસે મીની બસમાંથી કેટલાક સામાન અને બંને વાહન મળી કુલ રૂ.૧પ લાખ ઉપરાંત મુદ્દામાલ કબજે કર્યાે હતો.

પૂર્વ પોલીસ અધિકારીના પુત્ર અશોકસિંહે પોતાની મોટરમાં પોલીસ ઈન્સ્પેક્ટર લખેલું બોર્ડ લગાડ્યું હતું. તેનો ગુન્હો નોંધવા ઉપરાંત ઈમમોરલ ટ્રાફિક પ્રિવેન્સન એક્ટ હેઠળ પણ ગુન્હો નોંધાયો હતો. આ શખ્સના રિમાન્ડ મેળવવા માટે આરોપીને ગઈકાલે અદાલતમાં રજૂ કરવામાં આવ્યો હતો. અદાલતે આરોપીને ત્રણ દિવસના રિમાન્ડ પર સોંપ્યો છે.

આ શખ્સના કબજામાંથી મળી આવેલા મોબાઈલમાંથી કેટલાક શંકાસ્પદ મોબાઈલ નંબર પ્રાપ્ત થયા છે. તે ઉપરાંત દેશમાંથી કેટલીક યુવતીઓને જામનગરમાં આવવા ઈજન આપતી ઓડિયો ક્લિપ પણ પોલીસને મળી છે. તમામ ફોનની કોલ ડીટેઈલ કઢાવવા ઉપરાંત આ શખ્સના મકાનની પણ ચકાસણી કરાઈ રહી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh