Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
સ્વામિનારાયણ સંપ્રદાયના પુસ્તકમાંથી વિવાદિત લખાણ દૂર કરવાના મુદ્દે
જામનગર તા. રઃ જામનગરમાં આજે વિવિધ હિન્દુ સંસ્થાઓ દ્વારા સ્વામિનારાયણ સંપ્રદાયના પુસ્તકમાં વિવાદિત લખાણ દૂર કરવાની માગણી સાથે મૌન રેલી યોજાશે. ગુગળી બ્રાહ્મણ જ્ઞાતિજનો ઉપરાંત શિવસેના-મહાદેવહર મિત્ર મંડળ સહિતની અનેક ધાર્મિક સંસ્થાઓ અને વિવિધ જ્ઞાતિજનો જોડાશે.
સ્વામિનારાયણ સંપ્રદાયના પુસ્તકમાં ભગવાન દ્વારકાધીશજી અને સનાતન ધર્મના દેવી-દેવતાઓ વિશે લખાયેલા વિવાદિત લખાણો સામે વિરોધ વ્યક્ત કરવા આજે તા. ર ના બુધવારે સાંજે ૪ વાગ્યે જામનગરમાં હિન્દુ સંસ્થાઓ દ્વારા સંયુક્ત રીતે મૌન રેલી યોજીને કલેક્ટર કચેરીમાં આવેદન આપવાનો કાર્યક્રમ યોજાયો છે.
સ્વામિનારાયણ સંપ્રદાયના પુસ્તકના લખાણો અંગે ગુજરાતમાંથી ઠેર-ઠેર વિરોધ ઊઠી રહ્યો છે. દ્વારકા જિલ્લામાં પણ આવેદન આપવા સહિતના કાર્યક્રમો થયા પછી આજે બુધવારે આવા વિવાદિત લખાણો દૂર કરવાની માંગણી સાથે વિરોધ પ્રદર્શન યોજાયું છે. જેમાં સાંજે ૪ વાગ્યે ઓશવાળ સેન્ટર પાસે આવેલા સંતોષી માઁ ના મંદિરથી સરૂસેક્શન રોડ ઉપર આવેલી કલેક્ટર કચેરી સુધી એક મૌન રેલી યોજવામાં આવી છે.
આ રેલી કલેક્ટર કચેરીએ પહોંચીને અધિકારીઓને આવેદનપત્ર પાઠવીને વિવાદિત લખાણો દૂર થાય, તે સહિતની માગણી કરશે. આ કાર્યક્રમમાં ગુગળી બ્રહ્મસમાજ, આહિર સેના-ગુજરાત, મહાદેવ હર મિત્ર મંડળ શિવસેના, સતવારા સમાજ યુવક મંડળ, શ્રીરામ બજરંગદળ, રાજા મેલડી મિત્ર મંડળ, હિન્દુ મહાસભા, ભગવા સેના, કોળી સમાજ સહિતના સંગઠનો જોડાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial