રંગમતી નદીમાં પાણી છોડવાના કારણે દરેડ નજીક આવેલા ખોડીયાર મંદિર-પરિસરમાં પાણી ફરી વળ્યા

Author: નોબત સમાચાર

રંગમતી નદીમાં પાણી છોડવાના કારણે દરેડ નજીક આવેલા ખોડીયાર મંદિર-પરિસરમાં પાણી ફરી વળ્યા

રણમલ તળાવમાં ૨૦ એમ.સી.એફ.ટી. નવા નીરની આવકઃ

જામનગર તા. ૨: જામનગર નજીક આવેલા રંગમતી ડેમ કે જેના દરવાજા બદલવાનું કામ હાથ ધરવામાં આવી રહૃાું છે, જેના ભાગરૂપે ડેમમાંથી આશરે ૫૭ એમસીએફટી પાણી છોડવામાં આવી રહૃાું છે, અને દરેડથી છોડવામાં આવેલા નીર તા.૩૧મીની રાત્રે જામનગરના રણમલ તળાવ સુધી પહોંચ્યા બાદ તા.૧ એપિલની બપોર બાદથી તળાવમાં પાણીની સપાટીના લોક માપદંડ ગણાતો ઘડીયાળી કુવો ડુબી જતાં મોટી માત્રામાં પાણીની આવક થઈ હોવાના કારણે લોકોને રાહત મળી છે.

ઘડિયાળી કૂવો ડૂબ્યા બાદ આશરે ૨૦ એમસીએફટી જેટલું પાણી પ્રથમ તળાવમાં આવી જતાં પાછલા તળાવમાં ચાલી રહેલા કામના સંદર્ભમાં નવી આવક આજે સવારથી બંધ કરવામાં આવી છે, અને બાકીનું તમામ વધારાનું પાણી નદીમાં છોડવામાં આવી રહૃાું છે.

રંગમતી ડેમમાંથી પાણી છોડાયા બાદ દરેડ વિસ્તારના ચેકડેમ માં આવ્યું હતું, અને ત્યારબાદ ત્યાંથી જામનગર આવે તે પહેલા દરેડ નજીક આવેલું ખોડીયાર મંદિર, કે જ્યાં જલ ભરાવ થયો હોવાથી મંદિર પરિસરમાં પાણી ફરી વળ્યા હતા, અને ચોમાસા જેવી પરિસ્થિતિ સર્જાઈ છે.

તંત્રએ તા.૩૦મીની સવારે ૭ વાગ્યે રંગમતી ડેમમાંથી છુટેલા પાણીના રણમલ તળાવમાં લાવતી કેનાલમાં પ્રવેશ બાદથી તા.૩૧ની બપોર સુધી જળ પ્રવાહના ફોર્સનો ઉપયોગ કરીને કેનાલમાં રહેલું પ્રદુષિત નદીમાં વહેવડાવી દીધા બાદ સોમવારની રાતથી રણમલ તળાવમાં પાણીની આવક શરુ થઈ ગઈ હતી. જેથી રણમલ તળાવની નીચેના વિસ્તારમાં આવેલી ડંકીઓ અને છેક પટેલકોલોની વિસ્તાર સુધીની ડંકીઓના તળ સાજા થયા છે, તળાવમાં રહેતા હજારો માછલા અને કાચબાઓને પણ નવા પાણીની આવક સાથે નવજીવન મળી રહૃાું છે.

જો આપને આ પોસ્ટ ગમી હોય તો શેર કરો...