Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
સિંધી સમાજ વિશે અભદ્ર વાણીવિલાસ સાથેનો વીડિયો વાયરલ કરનાર
જામનગર તા. ૨: સિંધી સમાજ વિશે અભદ્ર વાણી વિલાસ કરી તેનો વીડિયો સોશિયલ મીડિયામાં વાયરલ કરનાર સામે પગલાં લેવાની માંગણી સાથે જામનગર જિલ્લા પોલીસવડાને આવેદન પત્ર પાઠવાયું હતું.
ગત તા. ૩૦ માર્ચના સિંધી સમાજના ઈષ્ટદેવ ભગવાન શ્રી ઝુલેલાલજીના જન્મોત્સવને કારણે સમગ્ર સમાજ ઉજવણીની તૈયારીમાં વ્યસ્ત હતો. દરમિયાન તા. ૨૯ માર્ચના જામનગરના ટાઉનહોલમાં સિંધી મ્યુઝિકલ કાર્યક્રમનું આયોજન થયું હતું. ત્યારે વિનોદ ટેકચંદ રામનાણી નામના આ શખ્સ દ્વારા ડિજીટલ પ્લેટફોર્મ ઉપર સમાજના હોદ્દેદારો અને સમાજ વિશે નશામાં ધૂત થઈ અભદ્ર વાણી વિલાસ અને જાહેરમાં ગાળો કાઢી ધમકીભર્યા શબ્દો ઉચાર્યા હતાં. આથી સમાજની લાગણી દુભાઈ છે. આ શખ્સ ગુન્હાહિત ઈતિહાસ ધરાવે છે. આજે સમાજમાં ભયનો માહોલ છવાયો છે. આમ તેની સામે નિયમ મુજબ પગલાં લેવા જોઈએ અને તેને કાયદાનું ભાન કરાવવું જોઈએ. તેવી માંગણી સાથે ગઈકાલે સિંધી સમાજ જામનગર દ્વારા જામનગર જિલ્લા પોલીસવડાને આવેદન પાઠવાયું હતું.
આ આવેદનપત્ર પાઠવતા સમયે સમાજના પ્રમુખ જી.કે. ગંગવાણી ઉપરાંત પ્યારેલાલ રાજપાલ અને સમાજના અગ્રણીઓ જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial