Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
ઓખામાં એક દુકાનમાં આ પીણાનું વેચાણ કરતા બે સામે પણ નોંધાયો ગુન્હોઃ
જામનગર તા. ર : દ્વારકા જિલ્લાના ભીમરાણામાં એક શખ્સના મકાનમાં પોલીસે દરોડો પાડી નશાકારક પીણાનું ઉત્પાદન અને વેચાણ પકડી પાડ્યું છે. ત્રણ સામે ગુન્હો નોંધવામાં આવ્યો છે. જ્યારે ઓખામાં આવેલી એક દુકાનમાં આ કેફી પીણાનું વેચાણ કરતા બે સામે પણ ગુન્હો નોંધાયો છે.
દેવભૂમિ દ્વારકા જિલ્લાના ઓખામંડળમાં આવેલા ભીમરાણા ગામમાં પરવાનો મેળવ્યા વગર જ કેટલાક વ્યક્તિઓ નશાકારક પીણાનું ઉત્પાદન કરી તે પીણાની બોટલમાં નોન આલ્કોહોલ લખી તેનું બજારમાં વેચાણ કરતા હોવાની બાતમી મળતા મીઠાપુર પોલીસ સ્ટેશનના સ્ટાફે ગઈકાલે રાત્રે ભીમરાણા ગામમાં આવેલા કપીલ હરજી ઠાકોર નામના શખ્સના મકાનમાં દરોડો પાડ્યો હતો.
તે સ્થળે ચકાસણી કરવામાં આવતા જીયાંસ એન્ડ ગુરૂદેવ કોલ્ડ્રીંક્સ નામનું પીણુ ભરેલી બોટલો મળી આવી હતી. તે પીણા અંગે પોલીસે ચકાસણી કરતા ખોટા દસ્તાવેજ ઉભા કરી તેનો ખરા તરીકે ઉપયોગ કરી કપીલ ઠાકોર તેમજ નિરજ વિનોદભાઈ જટણીયા અને કેતન વિનોદભાઈ જટણીયા નામના ત્રણ શખ્સ નશાકારક પીણુ તૈયાર કરી આ પીણાથી લોકોની તંદુરસ્તીને હાની પહોંચી શકે છે તેમ જાણવા છતાં ગુન્હાહીત ઈરાદાથી નશાકારક પીણુ બનાવતા હોવાનું અને વેચાણ કરવા અંગે લાયસન્સ ન હોવા છતાં ઉત્પાદન અને વેચાણ કરતા હોવાનું જણાઈ આવ્યું હતું.
પોલીસે તે સ્થળેથી કુલ રૂ.૨,૧૭,૯૧૦નો મુદ્દામાલ કબજે કર્યાે છે અને કપીલ ઠાકોર તેમજ નિરજ જટણીયાની અટક કરી છે. કેતન જટણીયાની શોધખોળ કરાઈ રહી છે.
ત્યારપછી ઓખા મરીન પોલીસ સ્ટેશનના સ્ટાફે પણ આ બાબતનો બીજો ગુન્હો દાખલ કર્યાે છે. જેમાં જણાવાયા મુજબ ઓખામાં આવેલી સંજયકુમાર તુલસીદાસ મજઠીયા નામની દુકાનમાંથી બીયર અને વ્હીસ્કીના સ્ટીકર ચોટાડી નોન આલ્કોહોલનું લખાણ લખી જીયાંસ એન્ડ ગુરુદેવ કોલ્ડ્રીંકસ નામનું ઠંડુ પીણુ વેચતા કેતન વિનોદભાઈ જટણીયા અને કપીલ હરજીભાઈ ઠાકોર સામે નશાકારક પીણુ બનાવવાનું કે વેચાણ કરવાનું લાયસન્સ ન હોવા છતાં ઉત્પાદન અને વેચાણ કરવા અંગે ગુન્હો નોંધાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial