Author: નોબત સમાચાર
સરકારી જમીન પર બાંધકામ ખડકનાર શખ્સોને પોલીસ દ્વારા પાઠવાઈ નોટીસ
બાંધકામો જમીનદોસ્ત કરવા હાથ ધરાઈ તજવીજઃ
જામનગર તા.ર : જામનગર શહેર તથા જિલ્લાના અસામાજિક તત્ત્વોને તીતર બીતર કરી નાખવા માટે અપાયેલી સૂચના અંતર્ગત સરકારી જમીનો પર દબાણ ઉભા કરી લેનાર કેટલાક શખ્સો પૈકીના ૧૫ને પોલીસ દ્વારા નોટીસ પાઠવવામાં આવી છે અને તે બાંધકામો હટાવવા માટે પ્રક્રિયા કરાઈ રહી છે.
જામનગર શહેર તથા જિલ્લામાં અસામાજિક પ્રવૃત્તિ આચરતા તત્ત્વોને જેર કરવાની શરૂ કરાયેલી કામગીરી અંતર્ગત એસપી પ્રેમસુખ ડેલુના વડપણ હેઠળ જિલ્લાની પોલીસે વીજ કંપનીની ચેકીંગ ટૂકડીને સાથે રાખી કેટલાક શખ્સોના મકાન પર વીજ ચેકીંગ કરાવ્યું હતું. જેમાં ૩૩૨ સ્થળેથી રૂ.૩ કરોડથી વધુની વીજચોરી ઝડપાઈ ગઈ હતી.
તે પછી અન્ય શખ્સોની પણ પૂછપરછ કરવામાં આવી હતી. કેટલાક શખ્સોએ સરકારી જમીન પર ગેરકાયદેસર બાંધકામ ખડકી દીધા હોવાનું જણાઈ આવતા ૧પ શખ્સને આ બાબતની પોલીસ દ્વારા નોટીસ પાઠવવામાં આવી છે અને તે ગેરકાયદે બાંધકામોને જમીન દોસ્ત કરવા પ્રક્રિયા હાથ ધરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (19)_copy_800x531~2.jpeg)
