Author: નોબત સમાચાર
લોકસભાની ચૂંટણીને અનુલક્ષીને પોલીસ, સીઆરપીએફ, લશ્કરી દળ સહિતનું તંત્ર સજ્જ
દેવભૂમિ દ્વારકા જિલ્લામાં ફૂટ પેટ્રોલિંગઃ
ખંભાળિયા તા. ૨૮ઃ દેવભૂમિ દ્વારકા જિલ્લામાં લોકસભાની ચૂંટણીના મતદાન પૂર્વે પોલીસની સાથે અન્ય સુરક્ષા એજન્સીઓ દ્વારા ફૂટ પેટ્રોલિંગ, સંવેદનશીલ મતદાન મથકોની મુલાકાત વગેરે ચાંપતા પગલાં ભરવામાં આવી રહ્યા છે.
દ્વારકા જિલ્લામાં આગામી લોકસભા ચંૂટણીના સંદર્ભમાં જિલ્લા પોલીસવડા નિતેશ પાંડેય, ડીવાયએસપી ડો. હાર્દિક પ્રજાપતિ, સાગર રાઠોડની આગેવાની તથા માર્ગદર્શન હેઠળ પોલીસ, સીઆરપીએફ, અર્ધ લશ્કરી દળના જવાનો દ્વારા ફૂટ પેટ્રોલિંગ અને ચેકીંગની કાર્યવાહી શરૂ કરાઈ છે.
ડીવાયએસપી ડો. પ્રજાપતિએ જણાવ્યું છે કે, પીએસઆઈ, પીઆઈ, ડીવાયએસપી દ્વારા વિલેજ વિઝીટ તથા સંવેદનશીલ મતદાન બુથોની મુલાકાત તેના માટે આયોજન તથા ફૂટ પેટ્રોલિંગ થઈ રહ્યું છે.
તાજેતરમાં હથિયારધારી પોલીસ ટૂકડી સાથે ખંભાળિયા શહેર, ભાણવડ શહેર, દ્વારકા, ઓખા, મીઠાપુર, ભાટીયા, સલાયા, ભાડથર, ઠાકરશેરડી, પરોડીયા ગામ તથા આથમણાબારા સહિતના ગામોમાં ફૂટ પેટ્રોલિંગ કરવામાં આવ્યું હતું.
ચૂંટણી સંદર્ભમાં પરવાના વાળા હથિયારો જમા કરાવવા માટે તમામ પોલીસ મથકોમાં કાર્યવાહી કરવામાં આવી રહી છે. ઉપરાંત દારૂ અંગેની પ્રવૃત્તિઓને પણ ડામી દેવા ચેકીંગ હાથ ધરાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_copy_800x451~2.jpeg)
