Author: નોબત સમાચાર
ડિવાઈડરના કટ પાસે બાઈકની પાછળ મોટર ટકરાઈઃ જીવાપરના યુવાન ઘાયલ
લતીપર પાસે મોટરની પાછળ બીજી મોટરની ટક્કરઃ
જામનગર તા. ૨૪: જામનગરના સમર્પણ સર્કલથી આગળ બે સપ્તાહ પૂર્વે જીવાપરના બાઈકચાલકને મોટરે ઠોકર મારતા બાઈકચાલકને ફ્રેક્ચર થઈ ગયું હતું. જ્યારે ધ્રોલથી લતીપર વચ્ચેના રોડ પર એક મહિના પહેલાં એક મોટર પાછળ બીજી મોટર ટકરાઈ પડતા એક તરૂણને ઈજા થઈ હતી.
જામનગર તાલુકાના જીવાપર ગામના ધીરજલાલ રામજીભાઈ નકુમ નામના યુવાન ગઈ તા.૪ની સવારે સમર્પણ સર્કલથી પોતાના ગામ તરફ જવા માટે જીજે-૧૦-બીકે ૧૧૪૮ નંબરના બાઈકમાં જતા હતા ત્યારે ડિવાઈડરના એક કટ પાસે જીજે-૧-આરએચ ૧૮૫૯ નંબરની મોટરે પાછળથી ટક્કર મારી દીધી હતી. પગમાં ફ્રેક્ચર થઈ જતા આ યુવાનને સારવારમાં ખસેડાયા છે. તેઓએ સિટી સી ડિવિઝનમાં ફરિયાદ કરી છે.
ધ્રોલથી ટંકારા વચ્ચેના ધોરીમાર્ગ પર આવેલા લતીપર ગામ પહેલાંના રોડ પરથી ગઈ તા.૨૧ નવેમ્બરની રાત્રે મોરબીના રમેશભાઈ હીરાભાઈ દામાણી પોતાના પરિવારજનો સાથે જીજે-૩૬-એલ ૬૪૧ નંબરની ઈકો મોટરમાં મોરબી જતા હતા ત્યારે પાછળથી આવતી જીજે-૩૬-એએલ ૭૮૦૦ નંબરની મોટરે ઠોકર મારી હતી. આ અકસ્માતમાં રમેશભાઈના પુત્ર મિતને ઈજા થઈ છે. ધ્રોલ પોલીસે ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
