મોટી ખાવડીમાં શનિવારે ગર્લ્સ ક્રિકેટ ટુર્નામેન્ટ

Author: નોબત સમાચાર

મોટી ખાવડીમાં શનિવારે ગર્લ્સ ક્રિકેટ ટુર્નામેન્ટ

ધીરૂભાઈ અંબાણીની જન્મ જયંતી નિમિત્તે

જામનગર તા. ર૪: શ્રી ધીરૂભાઈ અંબાણીની જન્મ જયંતી નિમિત્તે મોટી ખાવડીમાં ર૭ ડિસેમ્બરે ગર્લ્સ ક્રિકેટ ટુર્નામેન્ટ યોજાશે.

રિલાયન્સ ઈન્ડસ્ટ્રીઝ લિમિટેડના સંસ્થાપક અને પદ્મવિભૂષણ સ્વ.શ્રી ધીરૂભાઈ અંબાણીની જન્મ જયંતીની દર વર્ષની જેમ આ વર્ષે પણ અનોખી અને લોકાભિમૂખ ઉજવણી થશે. જે અંતર્ગત આગામી તા. ર૭ ડિસેમ્બરે રિલાયન્સ ઈન્ડસ્ટ્રીઝના ગ્રુપ પ્રેસિડેન્ટ ધનરાજ નથવાણીના માર્ગદર્શન હેઠળ મોટી ખાવડી ક્રિકેટ ગ્રાઉન્ડ પર 'શ્રી ધીરૂભાઈ અંબાણી ગર્લ્સ ક્રિકેટ ટુર્નામેનટ' યોજાશે.

આ ટુર્નામેન્ટમાં આસપાસના ગ્રામ્ય વિસ્તારોની સરકારી શાળામાં અભ્યાસ કરતી ધો. પ થી ૮ ની વિદ્યાર્થિનીઓની અલગ અલગ ૧ર ટીમ ભાગ લેશ.

આ ટુર્નામેન્ટમાં મેઘપર કલસ્ટરમાંથી મેઘપર, પડાણાગામ, પડાણા પાટિયા, જોગવડ ગામ, જોગવડ પાટિયા અને નવણિયા એમ છ શાળાની ટીમ ભાગ લેશે. એ જ રીતે મોટી ખાવડી કલસ્ટરમાંથી મોટી ખાવડી, નાની ખાવડી, શાપર, ગાગવા, ગાગવા વાડી અને મુંગણી મળી વધુ ૭ શાળાની ટીમ ભાગ લેશે. નોકઆઉટ ફોર્મેટમાં રમાનારી ટુર્નામેન્ટમાં કુલ ૧૧મેચો રમાશે. તમામ મેચોના અંત મેઘપર અને મોટી ખાવડી કલસ્ટરની વિજેતા ટીમો વચ્ચે ફાઈનલ મેચ રમાશે અને ચેમ્પિયન નક્કી થે.

આ ટુર્નામેન્ટ દીકરીઓ માટે પોતાની ક્રિકેટ પ્રતિભા ઓળખવાનો એક મહત્ત્વપૂર્ણ મંચ સાબિત થશે, જે ધીરૂભાઈ અંબાણીના જન્મ જયંતીના ઉત્સાહ અને વારસાને અનુરૂપ રીતે યુવા ઊર્જાને પોષણ વધવાની દિશામાં એક નોંધપાત્ર પગલું બની રહેશે. આ ટુર્નામેન્ટ નિહાળવા જામનગર તથા આસપાસના વિસ્તારના ખેલપ્રેમીઓને નિમંત્રણ પાઠવાયું છે.

જો આપને આ પોસ્ટ ગમી હોય તો શેર કરો...