Author: નોબત સમાચાર
જામનગર જિલ્લામાં ૧.૪૦ લાખ ખેડૂતોની અરજી મંજુર કરીઃ રૂ. ૩૮૦ કરોડ ચૂકવાયા
કમોસમી વરસાદથી થયેલા નુક્સાનની સહાય પેટે
જામનગર તા. ર૪: જામનગર જિલ્લામાં ખેડૂતોને થયેલી નુક્સાનીના સર્વેમાં પાક સહાયની ૧,૩૯,૯૯૬ ખેડૂતોની અરજી મંજુર થઈ છે, કુલ રૂ. ૪૧ લાખથી વધુ ખેડૂતો દ્વારા કરાયેલી અરજી પૈકી ૧.૧૦ લાખ ખેડૂતોના ખાતામાં ૩૮૦ કરોડ જમા થઈ ગયા છે. પ્રક્રિયા હજુ ચાલુ છે.
જામનગર જિલ્લામાં કમોસમી વરસાદના કારણે ખેડૂતોના પાને નુક્સાન સંદર્ભે સર્વે કરી લેવાયા પછી જુદા જુદા તાલુકાના કુલ ૧,૪૧,૩પ૩ ખેડૂતોએ સહાય માટે અરજીઓ કરી હતી, જે પૈકી ૧,૩૯,૯૯૬ અરજીઓ મંજુર થઈ છે. જેના પેટે કુલ ૪ર૭ કરોડનું ચૂકવણી થશે, જ્યારે વર્તમાન સ્થિતિએ ૧,૧૦,૬૮૬ ખેડૂતોના ખાતામાં ૩૦ કરોડ જેવી રકમ પણ ડીબીટી માધ્યમથી જમા થઈ ચૂક્યાનું જામનગરના ખેતીવાડી વિભાગના સૂત્રોએ જણાવ્યું, જ્યારે બાકી રકમ સંદર્ભે પ્રક્રિયા ચાલી રહી હોવાનું જાણવા મળ્યું છે.
જામનગર જિલ્લામાં ઓક્ટોબર માસમાં કમોસમી વરસાદના કારણે પાકને વ્યાપક નુક્સાન થયાનું સામે આવ્ય હતું, જે સાથે જ જિલ્લાના ખેતીવાડી વિભાગની જુદી જુદી ૩૩ર ટીમો દ્વારા ૧૧૭ ગામોમાં સર્વે હાથ ધરવામાં આવ્યો હતો, જે સાથે નુક્સાન સંબંધિત રિપોર્ટ પણ તૈયાર કરી સુપરત કરાયો હતો.
જે બાબતે તંત્ર દ્વારા ગત્ નવેમ્બર માસથી રાહત સહાય મેળવવાની અરજીઓ પોર્ટલ મારફતે સ્વીકારવાનો પ્રારંભ કરાયો હતો, જેની પાંચમી ડિસે.ના મુદ્ત પૂરી થતાં કુલ ૧,૪૧,૩પ૩ ખેડૂતોએ અરજી કરી હતી. સમગ્ર પ્રક્રિયા પછી હાલ સુધીમાં ૧,૩૯,૯૯૬ અરજીઓ મંજુર થઈ છે. જામનગર જિલ્લાના ૬ તાલુકાના ખેડૂતોની મંજુર અરજીઓ સંદર્ભે કુલ ૪ર૭ કરોડનું ચૂકવણું થનાર છે. જેમાંથી વર્તમાન સ્થિતિએ ગઈકાલ સુધીમાં ૧,૧૦,૬૮૬ ખેડૂતોના ખાતામાં અંદાજીત ૩૮૦ કરોડ જેટલી રકમ પણ ડીબીટીના માધ્યમ જમા થઈ ચૂકી હોવાનું સૂત્રોએ જણાવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
