Author: નોબત સમાચાર
એસટી ડેપોમાં મહિલાની છેડતી કરતો શખ્સ બાઈક મૂકીને થઈ ગયો પલાયન
નાઈટ ડ્યૂટીમાં રહેલા હોમગાર્ડઝને જોઈ નાસી ગયોઃ
જામનગર તા. ૬: જામનગરના એસટી ડેપોમાં ગુરૂવારે રાત્રે લેડીઝ ટોયલેટમાં ઘૂસી ગયેલા એક શખ્સે ત્યાં મહિલાની છેડતી કરી હતી. તે સ્થળે ફરજ પર હાજર હોમગાર્ડઝના બે જવાન તેને પકડવા માટે ધસી ગયા હતા. આ શખ્સ પોતાનું બાઈક મૂકીને નાસી ગયો હતો. પોલીસની સૂચનાથી તે બાઈક કબજે કરાયું છે.
જામનગરના સુમેર કલબ રોડ પર આવેલા એસટી ડેપો પાસે ગુરૂવારની રાત્રે સિટી એ ડિવિઝન યુનિટના હોમગાર્ડઝ સદસ્ય જયેન્દ્ર વારા અને નીશિત મહેતા ફરજ પર હતા. તે દરમિયાન તેઓને જાણવા મળ્યું હતું કે, એસટી ડેપોમાં અંદર આવેલા સ્ત્રીઓ માટેના ટોયલેટમાં એક શખ્સ ઘૂસી જઈ સ્ત્રીની છેડતી કરે છે.
ત્યાં ધસી ગયેલા હોમગાર્ડઝ જવાનોએ તે શખ્સને પકડી પાડવા તજવીજ કરી હતી પરંતુ તેઓને જોઈ આ શખ્સ પોતાનું નંબર પ્લેટ વગરનું હીરો સ્પ્લેન્ડર મોટરસાયકલ મૂકીને નાસી ગયો હતો. આ બાબતની સિટી એ ડિવિઝન પોલીસ સ્ટેશનના પીઆઈને જાણ કરાયા પછી પોલીસે તે બાઈક કબજે કરી તેના માલિક, ચાલકની શોધ આરંભી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (17)_copy_800x531~2.jpeg)
_copy_800x544~2.jpeg)
