Author: નોબત સમાચાર
બાઈક આડે ભુંડ ઉતરતા સર્જાયેલા અકસ્માતમાં ઘવાયેલા યુવાનનું મૃત્યુ
ઢીંચડા-ખારાબેરાજા વચ્ચે સર્જાયો અકસ્માતઃ
જામનગર તા. ૬: જામનગરના ઢીંચડાથી ખારાબેરાજા ગામ વચ્ચે ગઈકાલે સાંજે બાઈક પર જઈ રહેલા એક યુવાનના બાઈક આડે ભુંડ ઉતરતા સર્જાયેલા અકસ્માતમાં આ યુવાનનું મૃત્યુ નિપજ્યું છે. તેઓનું બાઈક બેકાબુ બની સિમેન્ટના વીજ થાંભલા સાથે ટકરાયા પછી આ યુવાનનું માથું થાંભલા સાથે અફળાઈ જતાં તેઓને ગંભીર ઈજા થઈ હતી.
જામનગર નજીકના વાયુ નગર વિસ્તારમાં રહેતા ધારાભાઈ ધનાભાઈ મસુરા નામના ત્રીસ વર્ષના યુવાન ગઈકાલે સાંજે પોણા આઠેક વાગ્યે ખારાબેરાજા ગામમાં આવેલી પોતાની વાડીએથી મોટરસાયકલ પર વાયુનગર તરફ આવવા નીકળ્યા હતા.
તેઓ જ્યારે ખારાબેરાજા થી ઢીંચડા વચ્ચેના રોડ પર હતા ત્યારે અચાનક જ એક ભુંડ દોડીને મોટરસાયકલની આડે ઉતરતા ધારાભાઈએ મોટર સાયકલ પરનો કાબુ ગૂમાવ્યો હતો. સર્પાકારે દોડી તેઓનું વાહન રસ્તાની બાજુમાં આવેલા ઈલેકટ્રીકના સિમેન્ટના થાંભલા સાથે ટકરાયું હતું અને તેની સાથે જ ધારાભાઈનું માથું પણ થાંભલા સાથે અફળાઈ પડયું હતું. માથામાં ગંભીર ઈજા પામેલા આ યુવાનને સારવાર માટે ખસેડવાની તજવીજ કરાઈ હતી. તેઓનું મૃત્યુ નિપજ્યું છે. આસયારભાઈ એલયાભાઈ મસુરાએ પોલીસને જાણ કરી છે. બેડી મરીન પોલીસ સ્ટેશનના જમાદાર એસ.કે. જાડેજાએ અપમૃત્યુની નોંધ કરી આગળની કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (17)_copy_800x531~2.jpeg)
_copy_800x544~2.jpeg)
