Author: નોબત સમાચાર
ખંભાળીયા નગરપાલિકાના અનેક સદસ્યો બની બેઠા છે કોન્ટ્રાક્ટર !
નગરપાલિકા જ ભ્રષ્ટાચારનું મૂળ !!
ખંભાળીયા તા. ૧૨: દેવભૂમિ દ્વારકા જિલ્લાની ખંભાળીયા નગરપાલિકાની એક વિશેષતા એ છે કે, અહીં નવા બનનાર સદસ્યો પૈકી કેટલાક સભ્યો થયા પછી 'કોન્ટ્રાકટર' થઈ જાય છે !!
પાલિકા વિસ્તારમાં થતા ખાસ કરીને સી.સી.રોડના કામો, ગટર, પાણી નિકાલ સહિતના કામો તથા બાંધકામના કામોમાં કોઈ કંપનીના નામથી ટેન્ડરો ભરીને પાલિકાના કામો રાખીને કામોના સ્થળે પાલિકાના સદસ્યો, સદસ્યના પતિદેવોની દોડાદોડી તથા બીલોના પેમેન્ટ માટે દોડધામ ભારે ચર્ચાસ્પદ બની છે.
સમગ્ર ગુજરાતમાં ભલે કામોના ટેન્ડરો એબોવ એટલે કે નકકી ભાવ કરતા ઊંચા ભરાતા હોય, ખંભાળીયા શહેરમાં આજેય ટેન્ડરો ૧૦/૨૦ ટકા ડાઉનમાં હોય છે. જેથી અન્ય કંપનીઓ પોતાનો ધંધો ન કરે, અને અહીં થતા નબળા કામોમાં 'ખોટ' માંથી 'નફો' કેમ કરવો તેનું મેજીક ગણિત અહીંના કેટલાક જાણતા હોય તેમને બખ્ખા પડી જાય છે. તો કેટલાક સદસ્યો તો ફૂલ ટાઈમ જાણે પાલિકાના કર્મી હોય તેમ કર્મચારી કરતા પણ વધુ સમય પાલિકામાં ગાળે છે !!
પાલિકા વિસ્તારમાં થતા કામોની ગુણવત્તા એવી હોય છે કે સામાન્ય રીતે ત્રણ વર્ષની ગેરેંટીમાં કામ થતા હોય પણ ક્યાંક છ મહિના તો ક્યાંક વર્ષમાં જ ગાબડાં પડી જવા, રોડ નબળા થવાની ફરિયાદો ઉઠે છે. ગઈકાલે જ આમઆદમી પાર્ટીએ નબળા કામની ફરિયાદ કરી બીલ અટકાવવા માંગ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
