Author: નોબત સમાચાર
ધ્રોલમાં પિતા-પુત્ર પર હુમલો
બારણું ખખડાવીને ચાલ્યો જતા સમજાવવા ગયા હતાઃ
જામનગર તા. ૧૨: ધ્રોલમાં એક આસામીના ઘરે જઈ બારણું ખખડાવી એક શખ્સે વાણીવિલાસ કરતા તેને સમજાવવા ગયેલા આ યુવાન તથા તેના પિતા પર ચાર શખ્સે હુમલો કરી ગાળો ભાંડવા ઉપરાંત પતાવી દેવાની ધમકી આપી હતી.
ધ્રોલ શહેરમાં આવેલી નંદનવન સોસાયટીમાં રહેતા ફૈઝલ સલીમભાઈ ગડીયા નામના આસામીના ઘરે શનિવારે સાંજે આવેલા આફ્રિદ ઝીકરભાઈ પોપટપુત્રા ઉર્ફે ભાઈજી નામના શખ્સે બારણું ખખડાવ્યા પછી જેમ તેમ બોલીને જતો રહ્યો હતો.
તેને સમજાવવા માટે ફૈઝલભાઈ ખાટકીવાસ પાસે ગયા હતા. આ વેળાએ આફ્રિદ તેમજ આફતાબ ઉર્ફે ડાડા, નવાઝ રાવ અને મુસ્તુફા અબુ દલ નામના ચાર શખ્સે તેઓ પર ઢીકાપાટુથી હુમલો કરીને માર માર્યો હતો અને ગાળો આપી જાનથી મારી નાખવાની ધમકી આપી હતી.
વચ્ચે પડનાર ફૈઝલભાઈ ના પિતા સલીમભાઈને ધક્કો મારી ઈજા પહોંચાડાઈ હતી. ધ્રોલ પોલીસ સ્ટેશનમાં ચારેય સામે ફૈઝલભાઈએ ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
