Author: નોબત સમાચાર
આરંભડાની સીમમાં મકાનમાંથી મળી ઈંગ્લીશ દારૂની બે બ્રાંડની ૭૭ બોટલ
દરોડા પહેલાં આરોપી નાસી જવામાં સફળ રહ્યોઃ
જામનગર તા. ૧૨: ઓખામંડળના આરંભડા ગામમાં એક શખ્સના મકાનમાં શનિવારે સાંજે મીઠાપુર પોલીસે દરોડો પાડી તલાશી લેતા ત્યાંથી બે બ્રાંડની ઈંગ્લીશ દારૂની ૭૭ બોટલ મળી આવી હતી. સ્થળ પરથી રૂ।.૮૭૭૦૦નો મુદ્દામાલ કબજે કરાયો છે. આરોપી નાસી જવામાં સફળ રહ્યો છે.
દેવભૂમિ દ્વારકા જિલ્લાના ઓખામંડળમાં આવેલા મીઠાપુર નજીકના આરંભડા ગામમાં એક દુકાનમાં ઈંગ્લીશ દારૂનો જથ્થો રાખવામાં આવ્યો હોવાની બાતમી પરથી શનિવારે સાંજે મીઠાપુર પોલીસ સ્ટેશનના સ્ટાફે આરંભડાની સીમમાં કૃષ્ણનગર પાસે ક્રિષ્ના ખોળ ભંડાર નામની દુકાન તથા તે દુકાનના સંચાલકના બાજુમાં આવેલા મકાનમાં દરોડો પાડ્યો હતો.
આરંભડાની સીમમાં ઉપરોક્ત દુકાન ચલાવતો રાજેશ પ્રવીણભાઈ ચાનપા નામનો શખ્સ દરોડા પહેલાં નાસી જવામાં સફળ થયો હતો. પોલીસે મકાનની તલાશી લેતા ત્યાંથી ભારતીય બનાવના અંગ્રેજી શરાબની જુદી જુદી બે બ્રાંડની કુલ ૭૭ બોટલ કબજે કરી છે. રૂ।.૮૪૭૦૦ની કિંમતનો દારૂનો જથ્થો તથા રૂ।.૩ હજારની કિંમતનો મોબાઈલ પોલીસે કબજે કરી લીધો છે અને રાજેશના સગડ દબાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
