Author: નોબત સમાચાર
કાલાવડ પાસે માથામાં ધોકો ફટકારી લૂંટ ચલાવવાના ગુન્હામાં આરોપીના જામીન ગ્રાહ્ય
વડોદરામાંથી પાંચ વર્ષે ઝડપાયો હતો આરોપીઃ
જામનગર તા. ૧૨: જામનગર-કાલાવડ માર્ગ પર સાડા પાંચેક વર્ષ પહેલાં રાત્રિના સમયે એક વાહનના ચાલકને માથામાં ધોકો મારી રોકડ તથા મોબાઈલની લૂંટ કરાઈ હતી. આ ગુન્હામાં ચાર આરોપી ઝડપાયા પછી પાંચમાની પાંચ વર્ષ પછી ધરપકડ કરાઈ હતી. આ આરોપીએ જામીનમુક્ત થવા કરેલી અરજી મંજૂર રખાઈ છે.
જામનગરના હબીબ રહીમભાઈ થૈયમ ગઈ તા.૩-૩-૨૦ની રાત્રે પોતાની બોલેરો લઈને કાલાવડથી જામનગર તરફ આવતા હતા ત્યારે કાલાવડ નજીક રોડની સાઈડમાં કેટલીક ગાડીઓ જોવા મળતા હબીબભાઈએ પોતાનું વાહન ઉભુ રાખ્યું હતું. આ વેળાએ ત્યાં ધસી આવેલા પાંચ શખ્સે હબીબભાઈના માથામાં ધોકો ફટકારી રોકડ તથા મોબાઈલની લૂંટ ચલાવી હતી.
આ બાબતની કાલાવડ ગ્રામ્ય પોલીસ સ્ટેશનમાં ફરિયાદ કરવામાં આવતા પોલીસે તપાસ દરમિયાન દિનેશ અમરસિંગ, નજરૂ સોમા, કેંદા નાનુરામ, દુલા મેતુ નામના ચાર શખ્સની ધરપકડ કરી હતી અને દયારામ ઉર્ફે દયાલ સુરજની શોધ આદરી હતી. આ શખ્સ ગયા ઓક્ટોબર મહિનામાં વડોદરામાંથી ઝડપાઈ ગયો હતો. તેને જેલહવાલે કરી દેવાયો હતો. આ શખ્સે જામીનમુક્ત થવા કરેલી અરજી અદાલતે ગ્રાહ્ય રાખી છે. આરોપી તરફથી વકીલ બ્રિજેશ ત્રિવેદી, મયુરસિંહ જાડેજા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
