Author: નોબત સમાચાર
પડાણા પાટીયા પાસે ખુલ્લા મેદાનમાં પતંગ ઉડાડતા બાળકને વીજવાયરમાંથી મળ્યું મોત
વાયરમાં પતંગ ફસાયો'ને દોરીથી શોર્ટ લાગ્યોઃ
જામનગર તા. ૧૨: જામનગર-ખંભાળિયા ધોરીમાર્ગ પર પડાણા ગામના પાટીયા નજીક ખુલ્લા મેદાનમાં દસેક દિવસ પહેલાં પતંગ ઉડાડતા બાળકોમાંથી એક બાળકને વીજ વાયરમાં પતંગ ફસાયા પછી તેની દોરી વાટે જોરદાર વીજ આંચકો લાગતા આ બાળકનું મૃત્યુ નિપજ્યું છે. પોલીસે તેના પિતાનું નિવેદન નોંધ્યું છે.
જામનગર-ખંભાળિયા ધોરીમાર્ગ પર આવેલા લાલપુર તાલુકાના પડાણા ગામના પાટીયા પાસે કન્સ્ટ્રક્શનની એક પેઢીમાં મજૂરીકામ માટે આવીને રહેતા મૂળ મધ્યપ્રદેશના જાંબુવા જિલ્લાના ભૂતફળીયા ગામના કમજીભાઈ અદુભાઈ બારીયા નામના શ્રમિકનો દસ વર્ષનો પુત્ર રોહિત ગઈ તા.૧ની સવારે તેની ઉમરના બાળકો સાથે નજીકમાં આવેલા એક મેદાનમાં પતંગ ઉડાડતો હતો.
આ વેળાએ આકાશમાં ચગતો પતંગ નજીકમાં આવેલા એક થાંભલા પરના વીજ વાયરમાં ફસાયો હતો. તેની દોરી રોહિતના હાથમાં હતી અને ભીની જમીન પર ઉભેલા આ બાળકને દોરી મારફત પ્રવાહીત થઈને વીજ આંચકો લાગ્યો હતો. તેથી આ બાળક ફેંકાઈ ગયો હતો.
ઉપરોક્ત દૃશ્ય નિહાળી ત્યાં હાજર લોકો દોડી આવ્યા હતા. તેઓએ રોહિતને સારવાર માટે હોસ્પિટલમાં ખસેડ્યો હતો જ્યાં સારવાર દરમિયાન ગયા સોમવારે આ બાળકનું મૃત્યુ નિપજ્યું છે. પિતા કમજીભાઈએ મેઘપર પોલીસ સ્ટેશનમાં તેની નોંધ કરાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
