Author: નોબત સમાચાર
રૂ.સાડા છ લાખનું રૂ.ર લાખ વ્યાજ ચૂકવ્યા પછી પણ મહિલાને મળી ધમકી
બે શખ્સ સામે પોલીસમાં કરાઈ ફરિયાદઃ
જામનગર તા. ર૬: જામનગરના એક મહિલાએ સાત મહિના પહેલાં રૂ.સાડા છ લાખ દસ ટકાના વ્યાજે મેળવ્યા પછી વ્યાજે નાણા ધીરનાર શખ્સ તથા તેના મિત્ર એ મહિલાનો એક ચેક બેંકમાં રજૂ કરી રિટર્ન કરાવ્યો હતો અને બીજા ચેક પણ બેંકમાં ભરી દેવાની ધમકી આપી હતી આ મામલો પોલીસ મથકે પહોંચ્યો છે. પોલીસે બંને શખ્સ સામે ગુન્હો નોંધ્યો છે.
જામનગરના રણજીત સાગર રોડ પર વૃંદાવન પાર્ક સ્થિત શેરી નં.૩માં રહેતા રાધિકાબેન વિજયભાઈ લાખાણી નામના મહિલાએ પૈસાની જરૂરિયાત ઉભી થતાં ગયા ઓકટોબર મહિનામાં દિ પ્લોટ-પ૮માં રહેતા હિતેન લોકચંદ સામનાણીને વાત કરી હતી.
આ શખ્સે પોતાના મિત્ર ભાટની આંબલીવાળા અજય વિજયભાઈ સોલંકી પાસેથી દસ ટકાના વ્યાજે બે કટકામાં રૂ.સાડા છ લાખ વ્યાજે અપાવ્યા હતા. તેની પરત ચૂકવણી માટે રાધિકાબેને પોતાના પતિના બેંક ખાતાનો એક ચેક તથા અન્ય ત્રણ ચેક સહી કરીને અજય સોલંકીને આપ્યા હતા.
ત્યારપછી રૂ.ર લાખ વ્યાજ પેટે ચૂકવી આપ્યા હોવા છતાં પૈસાની ઉઘરાણી કરી હિતેન તથા અજય સોલંકીએ રૂ.૪ લાખની રકમ લખી રાધિકાબેનનો એક ચેક બેંકમાં રજૂ કરી દીધો હતો. તે ચેક પરત ફર્યાની ફરિયાદ કરવાની ધમકી આપી બીજા ચેક પણ બેંકમાં રજૂ કરવાની વાત કરાતા રાધિકાબેને બંને સામે સિટી એ ડિવિઝન પોલીસ સ્ટેશનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
