Author: નોબત સમાચાર
ડોર-ટુ-ડોર કચરો એકત્ર કરવાના કામ અંગે નગરજનોમાં અસંતોષ
ઘણાં સ્થળે બબ્બે-ત્રણ ત્રણ દિવસ સુધી કચરા-ગંદકી ફેલાયેલા રહે છે!
ખંભાળિયા તા. ૨૬: ખંભાળિયા શહેરમાં પાલિકા દ્વારા કેટલાક વર્ષથી ડોર ટુ ડોર કચરા કલેકશન શરૂ કરાયું છે જે ખૂબ જ લોકોને રાહતરૂપ છે પણ જે એજન્સી કામ કરે છે તે ઓછા વાહનો તથા સાધનોમાં કામ કરતા લોકોની વ્યાપક ફરિયાદો ઉઠી છે.
અગાઉ ખંભાળિયા પાલિકા કચરો ડોર ટુ ડોર ઉપાડવા માટે ૩૫ થી ૪૦ કાર્યવાહીઓ ટ્રેકટર, રીક્ષા ટીપ્પર જેવા ૧૭ વાહનો હતા જયારે હાલની એજન્સી સાતેક વાહનોમાં ન.પા.ના સાતેય વોર્ડમાં કામ ચલાવે છે અને પાલિકાના ૩૫-૪૦ કર્મચારીઓ સામે માંડ ૧૦/૧૨ કર્મચારીઓ કામ કરે છે.
અગાઉ આ એજન્સી ૧૨/૧૩ લાખ પ્રતિ માસમાં કામ કરતી હતી તે ઉહાપોહ થયા પછી હાલ તેના અડધા જેટલા સાડા સાતેક લાખમાં મહિને કામ કરે છે તેમાં સાત વાહનોમાંથી ત્રણ વાહનો પાલિકાના ભાડે લીધેલા છે...!! નિયમ મુજબ ભીના- સુકા કચરા કલેકશનની કોઈ વ્યવસ્થા નથી. ઓછા વાહનોથી ખંભાળિયામાં રામનાથ સોસાયટી, પોર ગેઈટ, પોલીસ સ્ટેશન પાસે, એસ.એન.ડી.ટી. સોસાયટી, લોહાણા મહાજનવાડી જુની, નાગરપાડો, જુની મામલતદાર કચેરી સહિતના અનેક વિસ્તારોમાં રોજ ડોર ટુ ડોર કલેકશનને બદલે બે દિવસે થાય છે અને જો વાહન બગડી જાય તો ત્રણ દિવસે !! હાલમાં જ પાલિકાને નવા ચાર વાહનો સરકારે ફાળવ્યા છે, ત્યારે આ ડોર ટુ ડોર કલેકશન તથા જ્યાં ત્યાં કચરાના ઢગલા ઉપાડવા વ્યવસ્થા ગોઠવાય તેવી લોકોમાં માંગ ઉઠી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
