ઉઘરાણીના મામલે યુવક પર હુમલો

Author: નોબત સમાચાર

ઉઘરાણીના મામલે યુવક પર હુમલો

સરૂ સેક્શન રોડ પર પાસે પ્રૌઢને લાકડી ફટકારાઈઃ

જામનગર તા. ર૬: જામનગરના ગુલાબનગર પાસે ઉઘરાણીના મામલે એક યુવાન પર ત્રણ શખ્સ તૂટી પડ્યા હતા. જ્યારે સરૂ સેક્શન પાસે શનિવારે એક પ્રૌઢને લાકડી વડે માર મારવામાં આવ્યો હતો.

જામનગરના ગુલાબનગર રોડ પર આવેલા રવિ પાર્કમાં રહેતા ઈબ્રાહીમ અકબર લોઢંડા ઉર્ફે જોન નામના યુવાનને શુક્રવારની રાત્રે એકાદ વાગ્યે પેટ્રોલપંપના ઢાળીયા પાસે રોકી શાહરૂખ બશીર જામ નામના શખ્સે પૈસાની ઉઘરાણી કરી હતી.

આ વેળાએ ઈબ્રાહિમે મારે તને પૈસા આપવાના છે પણ અત્યારે નથી જ્યારે હશે ત્યારે આપીશ તેમ કહેતા શાહરૂખ અને તેની સાથે રહેલા સમીર રફીક જામ અને રાહુલ ગોસાઈ નામના ત્રણેય શખ્સે ગાળો ભાંડવાનું શરૂ કર્યું હતું. ગાળો બોલવાની ના પાડતા રાહુલે ત્યાં પડેલો ધોકો ઉપાડી હુમલો કર્યો હતો. જ્યારે શાહરૂખ, સમીરે ઢીકાપાટુથી માર મારી જાનથી મારી નાખવાની ધમકી આપી હતી.

જામનગરના પટેલ કોલોની વિસ્તારની શેરી નં.૭ અને રોડ નં.ર પર વસવાટ કરતા કીર્તિભાઈ કરમશીભાઈ ફળદુ નામના પ્રૌઢ શનિવારે બપોરે સરૂ સેક્શન રોડ પર ગયા હતા જ્યાં કુકડા કેન્દ્ર પાસે રહેતો કરણસિંહ મહાવીરસિંહ ઝાલા નામનો શખ્સ આવ્યો હતો આ શખ્સને કીર્તિભાઈએ પોતાના કામસર બેડેશ્વર ગયો હતો તેમ કહેતા ઉશ્કેરાયેલા કરણસિંહે ગાળો ભાંડયા પછી ત્યાં પડેલી લાકડી ઉપાડી કિર્તીભાઈના માથામાં ઝીંકી દેવા ઉપરાંત ઢીકાપાટુથી માર મારી જાનથી મારી નાખવાની ધમકી આપી હતી.

જો આપને આ પોસ્ટ ગમી હોય તો શેર કરો...