Author: નોબત સમાચાર
મહાકાળી સર્કલ પાસેથી પિસ્તોલ તથા કારતૂસ સાથે એક શખ્સની અટકાયત
કુખ્યાત શખ્સ પાસેથી પિસ્તોલ લીધાની કબૂલાતઃ
જામનગર તા.૧૮ : જામનગરના મહાકાળી સર્કલ નજીકથી એક શખ્સ દેશી બનાવટની પીસ્તોલ તથા બે જીવંત કારતૂસ સાથે ઝડપાઈ ગયા છે. તેણે પીસ્તોલ તથા કારતૂસ એક કુખ્યાત શખ્સ પાસેથી મેળવ્યાની એસઓજી સમક્ષ કબૂલાત કરી છે.
જામનગરના દિગ્જામ વુલન મીલ વિસ્તારમાં આવેલા મહાકાળી સર્કલ નજીકથી એક શખ્સ અગ્નિશસ્ત્ર સાથે રાખી ૫સાર થઈ રહ્યો હોવાની બાતમી સ્પેશિયલ ઓપરેશન ગ્રુપના ફિરોઝ ખફી, રમેશભાઈ તથા તૌસિફ તાયાણીને મળતા પીઆઈ બી.એન. ચૌધરીને વાકેફ કરાયા પછી ગઈકાલે રાત્રે એસઓજી ટીમે પીએસઆઈ એલ.એમ. જેરના વડપણ હેઠળ વોચ રાખી હતી.
તે દરમિયાન ગુલાબનગર નજીકના આદિત્ય પાર્કમાં રહેતો સીકંદર ઈશાક હાલાણી નામનો શખ્સ પસાર થયો હતો. તેને રોકાવી એસઓજીએ તલાશી લેતા આ શખ્સ પાસેથી દેશી બનાવટની પીસ્તોલ અને બે કારતૂસ મળી આવ્યા હતા. એસઓજીએ પીસ્તોલ-કારતૂસ કબજે કરી સીકંદર હાલાણીની અટકાયત કરી છે. આ શખ્સે ફિરોઝ સુધાગુનીયા ઉર્ફે ભાઈજી પાસેથી પીસ્તોલ તથા કારતૂસ મેળવ્યાની કબૂલાત કરી છે. બંને સામે સિટી સી ડિવિઝનમાં હથિયારધારા તથા જીપી એક્ટની કલમ હેઠળ ગુન્હો રજીસ્ટર કરાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
