Advertisement
Author: નોબત સમાચાર

અકસ્માત સર્જયો હોવાનું કહી વ્હોરાના હજીરા પાસે પુલ પર યુવાનને લૂંટી લેવાયો

એક યુવતી સહિત ચારે રૂ.૧૫૦૦ રોકડા ઝૂંટવ્યાઃ

જામનગર તા.૧૮ : જામનગરના વ્હોરાના હજીરા નજીકના પુલ પર સપ્તાહ પહેલાં એક આસામીને ભરબપોરે રોકી લઈ એક યુવતી અને ત્રણ શખ્સે તમે તમારા સ્કૂટરથી અમારા બાઈક સાથે અકસ્માત સર્જયો છે તેમ કહી ગાળો ભાંડી ખિસ્સામાંથી રૂ.૧૫૦૦ રોકડાની લૂંટ કર્યાની પોલીસમાં ફરિયાદ કરવામાં આવી છે.

જામનગરના રણજીત સાગર રોડ પર આવેલી ધન અપૂર્વ સોસાયટીમાં રહેતા કિરણભાઈ સુરેશભાઈ ઝાલા નામના આસામી ગઈ તા.૯ની બપોરે સાડા બારેક વાગ્યે પોતાના જીજે-૧૦-સીએસ ૯૨૬૭ નંબરના એક્ટિવામાં નાગનાથ નાકા નજીક આવેલા સ્મશાનથી વ્હોરાના હજીરા તરફ જઈ રહ્યા હતા.

આ વેળાએ પુલ પાસે પહોંચેલા કિરણભાઈને ત્રણ શખ્સ તથા એક યુવતીએ રોકી લીધા હતા. આ વ્યક્તિઓએ તમે મારા બાઈક સાથે અકસ્માત સર્જયો છે તેમ કહી બોલાચાલી શરૂ કર્યા પછી આ વ્યક્તિઓએ ગાળો ભાંડી કિરણભાઈના ખિસ્સામાંથી રૂ.૧૫૦૦ લૂંટી લીધા હતા. આ બાબતની કિરણભાઈએ સિટી બી ડિવિઝનમાં ફરિયાદ નોંધાવી છે. પોલીસે રાજવીર મકવાણા નામના શખ્સ અને તેની સાથે રહેલા બે અજાણ્યા અને એક યુવતી સામે ફરિયાદ નોંધાવી છે. પોલીસે ગુન્હો નોંધી તપાસ આદરી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh