Advertisement
Author: નોબત સમાચાર

નગરમાં મકાનમાં રમાતા જુગાર પર પોલીસ ત્રાટકીઃ છ મહિલા ઝડપાયા

નવાગામ ઘેડમાં તીનપત્તી રમતા ત્રણ શખ્સ ઝબ્બેઃ

જામનગર તા.૧૮ : જામનગરના યોગેશ્વરનગરમાં ગઈરાત્રે એક મકાનમાં પોલીસે દરોડો પાડી જુગારની મહેફિલ ઝડપી લીધી હતી. નાલ ઉઘરાવી જુગાર રમાડતા એક મહિલા અને જુગાર રમતા પાંચ મહિલા પકડાયા હતા. બેડીનાકા તથા સુભાષ શાક માર્કેટ પાસેથી બે વર્લીબાજ ઝડપાયા હતા. નવાગામ ઘેડમાં તીનપત્તી રમતા ત્રણ શખ્સ પોલીસની ગિરફતમાં આવ્યા હતા.

જામનગરના ગુલાબનગર સામે આવેલા યોગેશ્વરનગરમાં ગઈરાત્રે જુગાર રમાતો હોવાની બાતમી સિટી એ ડિવિઝનના સ્ટાફે રાત્રે બે વાગ્યે શેરી નં.૩ માં આવેલા મંજુબેન દ્વારકાદાસ બાવાજી નામના મહિલાના મકાનમાં દરોડો પાડયો હતો.

તે મકાનમાં મંજુબેનને નાલ આપી ગંજીપાના વડે જુગાર રમતા સોનલબેન જીવણભાઈ ઝીંઝુવાડીયા, સજનબા વિક્રમસિંહ સોેઢા, જયોતીબેન રમેશભાઈ મૈઢ, વર્ષાબેન ધર્મેશભાઈ મકવાણા, વૈશાલીબેન રમેશભાઈ બોખરીયા નામના પાંચ મહિલા મળી આવ્યા હતા. પોલીસે પટમાંથી રૂ.૧૦૧૨૦ રોકડા તથા એક મોબાઈલ કબજે કરી છએય મહિલા સામે જુગાર ધારાની કલમ ૪, ૫ હેઠળ ગુન્હો નોંધ્યો છે.

જામનગરના નવાગામ ઘેડ વિસ્તારમાં વિમલ પાર્કમાં ગઈ કાલે સાંજે તીનપત્તી રમતા રામસિંગ ધીરૂભાઈ વાળા, મહેશ કરશનભાઈ સોલંકી, મેરૂભાઈ રમેશભાઈ ચૌહાણ નામના ત્રણ શખ્સ ઝડપાઈ ગયા હતા. પોલીસે પટમાંથી રૂ.૭૮૫૦ કબજે કર્યા છે.

જામનગરમાં બેડીનાકા નજીક એક હોટલ પાસે ગઈકાલે સાંજે વર્લીના આંકડા લખતા ભીમનાથસિંહ રામસિંહ સોલંકી નામના શખ્સને સિટી એ ડિવિઝનના સ્ટાફે પકડી પાડ્યો છે. સુભાષ શાક માર્કેટ પાસેથી કમલેશ કાનજીભાઈ મકવાણા નામનો શખ્સ પણ વર્લીનું બેટીંગ લેતો મળી આવ્યો છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh