Author: નોબત સમાચાર
ઘરનો દરવાજો તોડી ઘૂસી ગયેલા બે શખ્સે યુવાનને માર મારી હડધૂત કર્યાે
હોળીની રાત્રે બનેલા બનાવની કરાઈ ફરિયાદઃ
જામનગર તા. ૧૮ : જામનગરના બાઈની વાડી વિસ્તારમાં હોળીની રાત્રે એક યુવાનના મકાનમાં બે શખ્સે દરવાજો તોડી પ્રવેશ કર્યા પછી આ યુવાનને મારકૂટ કરી જ્ઞાતિ પ્રત્યે હડધૂત કર્યાે હતો. આ યુવાનને પત્ની સાથે છૂટાછેડા લીધા પછી પણ આ શખ્સ તેને પજવતો હોવાની ફરિયાદમાં વિગત આપવામાં આવી છે.
જામનગરના બાઈની વાડી વિસ્તારમાં આવેલા આંબેડકર વાસમાં વસવાટ કરતા હરીશ પાલજીભાઈ ભટ્ટી નામના યુવાને હોળીની રાત્રે બેએક વાગ્યે તેના ઘરમાં ઘૂસી સહાનવાઝ સલીમ ખીરા ઉર્ફે સાનુડા તથા રાણા દેવશીભાઈ સોલંકી નામના બે શખ્સે ઢીકાપાટુ, ધોકાથી માર મારી જ્ઞાતિ પ્રત્યે હડધૂત કર્યાની પોલીસમાં ફરિયાદ કરી છે.
ફરિયાદમાં જણાવવામાં આવ્યા મુજબ હરીશની પત્ની સાથે અગાઉ સહાનવાઝને સંબંધ હતો. તે બાબતે વિખવાદ થયા પછી હરીશે છૂટાછેડા લીધા હતા. આમ છતાં સહાનવાઝ અવારનવાર ઘરે આવી પજવતો હતો. તે પછી હોળીની રાત્રે હરીશના ઘરનો દરવાજો તોડી નાખી સાહનવાઝ અને રાણો ચઢી આવ્યા હતા. તેઓએ હરીશને ધોકાવી હડધૂત કર્યાે હતો. પોલીસે એટ્રોસિટી એક્ટ, જીપી એક્ટ તથા બીએનએસની કલમો હેઠળ ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
