Author: નોબત સમાચાર
પિતાની સારવાર માટે જામીન મેળવવા અરજી કરનાર આરોપીની અરજી રદ્દ
હત્યાના આરોપીને રૂ.રપ૦૦નો દંડ ભરવા અદાલતી આદેશઃ
જામનગર તા.૧૮ : લાલપુરના ભણગોરમાં બે વર્ષ પહેલાં થયેલી હત્યાના એક આરોપીએ પોતાના પિતાની સારવારમાં પુત્ર તરીકે જરૂર હોવાનું જણાવી સારવારના કાગળો અદાલતમાં રજૂ કરી જામીન માંગ્યા હતા. તેની સામે સરકાર તરફથી ખાસ પીપી તરીકે રોકાયેલા એડવોકેટની દલીલો ગ્રાહ્ય રાખી અદાલતે જામીન અરજી નામંજૂર કરી છે અને રૂ.રપ૦૦નો આરોપીને દંડ ફટકાર્યાે છે.
લાલપુર તાલુકાના ભણગોર ગામના વિરેન્દ્રસિંહ છોટુભા જાડેજા નામના યુવાન પર વર્ષ ૨૦૨૩માં જીવલેણ હથિયારોથી હુમલો કરી હત્યા નિપજાવાઈ હતી. પ્રદ્યુમનસિંહ લાલુભાએ ફરિયાદ કરી હતી. પોલીસે ગુન્હો નોંધી જાડેજા રાજદીપસિંહ જગદીશસિંહ વગેરેની ધરપકડ કરી હતી.
ત્રણ આરોપી પૈકીના ઉપરોક્ત આરોપીએ પોતાના પિતાને હૃદયની બીમારી છે અને ૬૦ ટકા બ્લોકેજ આવ્યું છે અને પુત્ર તરીકે વિશેષ સારવારમાં તેની જરૂર છે તેમ જણાવી પિતાની મેડિકલ સારવારના જૂના કાગળ મૂકી રાજદીપસિંહે જામીન અરજી રજૂ કરી હતી. તેની સામે સરકાર તરફથી ખાસ પીપી તરીકે રોકાયેલા બિમલ ચોટાઈએ દલીલ કરી હતી કે, બીમારીના કાગળોમાં ૬૦ ટકા બ્લોકેજ હોવાનું જણાઈ આવતું નથી અને આરોપી સામે ગંભીર ગુન્હો નોંધાયેલો છે તેને જામીનમુક્ત કરાશે તો ફરિયાદ પક્ષને નુકસાન થઈ શકે છે.
તે ઉપરાંત જી.જી. હોસ્પિટલના તબીબનો અભિપ્રાય રજૂ કરાયો હતો. અદાલતે તે દલીલ ગ્રાહ્ય રાખી આરોપી રાજદીપસિંહની જામીન અરજી નામંજૂર કરી અદાલતે ખોટી રજૂઆત સાથે જામીન અરજી કરનાર આરોપીને રૂ.રપ૦૦નો દંડ ભરવા પણ હુકમ કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
