Author: નોબત સમાચાર
ડિજીટલ એરેસ્ટ કરી રૂ.પપ લાખ પડાવી લેનાર ટોળકીના બેના જામીન થયા મંજૂર
ખાનગી કંપનીના કર્મચારી સાથે કરી હતી છેતરપિંડીઃ
જામનગર તા.૧૮ : જામનગરમાં ખાનગી કંપનીમાં નોકરી કરતા એક આસામીને તમારા પાર્સલમાં ડ્રગ્સ સહિતનો સામાન આવ્યો છે તેમ કહી મુંબઈ પોલીસના બોગસ સહી, સ્ટેમ્પવાળો લેટર મોકલાવાયો હતો અને આ કર્મચારીને ડિજીટલ એરેસ્ટ કરી રૂ.પપ લાખ પડાવી લેવાયા હતા. આ ગુન્હામાં સાયબર ક્રાઈમ પોલીસે રાજસ્થાનના બે શખ્સની ધરપકડ કરી હતી. આ શખ્સોની જામીન અરજી અદાલતે મંજૂર રાખી છે.
જામનગરમાં ખાનગી કંપની માં નોકરી કરતા એક આસામીને ગયા એપ્રિલ મહિનામાં એક કુરિયર કંપનીમાંથી કહેવાતો ફોન આવ્યો હતો. જેમાં તેઓના નામે એક પાર્સલ આવ્યું હોવાનું કહેવાયા પછી આ આસામીને મુંબઈ સાયબર ક્રાઈમની શાખામાંથી બોલતો હોવાનું કહી એક શખ્સે વીડિયો કોલ કર્યાે હતો. જેમાં પાછળના ભાગે પોલીસ સ્ટેશન જેવો ઓરડો બતાવાયો હતો અને આ આસામીને તમારા પાર્સલમાંથી પાંચ પાસપોર્ટ, બે ક્રેડીટ કાર્ડ, લેપટોપ, સાડા સાતસો ગ્રામ ડ્રગ્સ સહિતનો સામાન નીકળ્યો છે અને તમારે મુંબઈ આવી સાયબર ક્રાઈમનો સંપર્ક કરવાનો છે તેમ કહેવાયું હતું.
ત્યારપછી તમારા આધાર કાર્ડ પરથી મહંમદઅલી નામનો શખ્સ લીંક એકાઉન્ટમાં ટ્રાન્ઝેક્શન કરે છે તેમ કહી આ આસામીના અન્ય બેંક ખાતાની વિગતો માંગવામાં આવી હતી અને મુંબઈ પોલીસના સ્ટેમ્પ અને સહીવાળો પત્ર મોકલી આ આસામીને આજીવન કેદની જોગવાઈવાળા ગુન્હામાં સંડોવાઈ જશે તેવો ભય બતાવી રૂ.પપ લાખ પડાવી લેવાયા હતા.
આ બાબતની ઓનલાઈન ફરિયાદ કરાતા સાયબર ક્રાઈમ પોલીસે તપાસ શરૂ કર્યા પછી ટીકમસિંગ દિલીપસિંગ ચૌહાણ, સન્ની મહેશ સહાની વગેરે શખ્સોના ખાતામાં ઉપરોક્ત રકમ ટ્રાન્સફર થયાની વિગતો પ્રકાશમાં આવતા આ બંને આરોપીની સાયબર ક્રાઈમ પોલીસે ધરપકડ કરી જેલ હવાલે કર્યા હતા. આ આરોપીઓએ જામીન મુક્ત થવા કરેલી અરજી અદાલતે ગ્રાહ્ય રાખી છે. આરોપી તરફે વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
