દેશમાં વાવાઝોડા સાથે ૯ રાજ્યમાં ભારે વરસાદનું એલર્ટઃ તોફાની પવન ફૂંકાઈ શકે

Author: નોબત સમાચાર

દેશમાં વાવાઝોડા સાથે ૯ રાજ્યમાં ભારે વરસાદનું એલર્ટઃ તોફાની પવન ફૂંકાઈ શકે

ગુજરાતમાં બેવડી ઋતુનો અનુભવઃ ગરમીથી લોકો પરેશાન

નવી દિલ્હી તા. ૭: બંગાળની ખાડીમાં વધુ એક સાયક્લોનિક સરક્યુલેશન બની રહ્યું છે. તેથી દેશમાં વાવાઝોડા સાથે ૯ રાજ્યોમાં ભારે વરસાદનું એલર્ટ અપાયું છે.

દિવાળી પછી દેશભરમાં હવામાનમાં પલટો આવ્યો છે. સમગ્ર ભારતમાં ઠંડીએ તેની અસર દેખાવાનું શરૂ કરી દીધું છે. આ દરમિયાન બંગાળની ખાડીમાં સાયક્લોનિક સરક્યુલેશન બની રહ્યું છે, જેના કારણે વેર્ટર્ન ડિસ્ટર્બન્સ સક્રિય થશે અને દરિયાકાંઠાના રાજ્યોમાં વરસાદ પડવાની આગાહી હવામાન વિભાગે કરી છે.

હવામાન વિભાગે દક્ષિણ ભારત અને ઉત્તર ભારતના રાજ્યોમાં ૧ર નવેમ્બર સુધી વરસાદનું એલર્ટ જાહેર કર્યું છે. સાયક્લોનિક સરક્યુલેશનના કારણે વેસ્ટર્ન ડિસ્ટર્બન્સ સક્રિય થશે અને ચક્રવાત બનશે. જેના કારણે કેરળ, તિમલનાડુ, આંધ્રપ્રદેશ, કર્ણાટક, પુડુચેરી, મણિપુર, નાગાલેન્ડ, મિઝોરમ, ત્રિપુરા, આંદામાન નિકોબાર ટાપુમાં ૧ર નવેમ્બર સુધી તોફાની પવનો ફૂંકાઈ શકે છે તેમજ ભારે વરસાદની પણ શક્યતા છે. મણિપુરના કેટલાક વિસ્તારોમાં કરા પડી શકે છે. આવી સ્થિતિમાં હવામાન વિભાગે લોકોને સતર્ક રહેવાની સલાહ આપી છે.

હાલ ગુજરાતમાં બે ઋતુનો અનુભવ થઈ રહ્યો છે, જેમાં દિવસ દરમિયાન લકો ગરમીથી હેરાન છે તો રાતે થોડી ઠંડી અનુભવે છે. હવામાન વિભાગની આગાહી મુજબ અમદાવાદમાં આજે લઘુતમ તાપમાન રર ડીગ્રી રહી શકે છે.

રાજ્યમાં એવા પણ વિસ્તારો છે જ્યાં સૌથી વધુ તાપમાન રહેવાની શક્યતા છે. ઉદાહરણ તરીકે ડીસામાં તાપમાન ૩૯.૧ ડીગ્રી, રાજકોટમાં ૩૮.૮, વલ્લભ વિદ્યાનગરમાં ૩૭.પ, સુરેન્દ્રનગરમાં ૩૭.પ, ભૂજમાં ૩૭.૩, વેરાવળમાં ૩૭.ર ડીગ્રીની આસપાસ રહી શકે છે, જ્યારે કંડલા પોર્ટ ૩૬.૬, કેશોદ ૩પ.૬, વડોદરા ૩પ.ર, દ્વારકા ૩૪.૩, ડીગ્રી રહેશે.

રાજ્યમાં ગાંધીનગરમાં ૧૯.૩ ડીગ્રી, મહુવામાં ૧૯.૬ ડીગ્રી, વડોદરામાં ર૦.ર ડીગ્રી, નલિયામાં ર૦.૪ ડીગ્રી, કેશોદમાં ર૦.૪ ડીગ્રી, રાજકોટમાં ર૧.ર ડીગ્રી, પોરબંદરમાં ર૧.૬ ડીગ્રી, ડીસામાં ર૧.૯ ડીગ્રી, અમદાવાદમાં ર.ર ડીગ્રી, સુરતમાં ર.ર ડીગ્રી, ભાવનગરમાં રર.૯, વલ્લભ વિદ્યાનગરમાં ર૩.પ, ભૂજમાં ર૩.૬, સુરેન્દ્રનગરમાં ર૪.ર, વેરાવળમાં ર૪.૭, દ્વારકામાં રપ, કંડલા પોર્ટમાં રપ.પ, ઓખામાં ર૭.ર ની આસપાસ તાપમાન રહેવાની શક્યતા છે.

જો આપને આ પોસ્ટ ગમી હોય તો શેર કરો...