Author: નોબત સમાચાર
જામનગરમાં પ્લેઝર કલર લેબ દ્વારા 'બાય-બાય નવરાત્રિ'નું ભવ્ય આયોજન
જિલ્લાના ફોટોગ્રાફર્સ-વીડિયો ગ્રાફર્સ પરિવારજનો માટે
જામનગર તા. ૭: જામનગરની પ્લેઝર કલર લેબના નારણભાઈ પટેલ દ્વારા જામનગર શહેર તથા જિલ્લાના તમામ ફોટોગ્રાફર્સ અને વીડિયોગ્રાફર્સના પરિવારજનો માટે 'બાય-બાય નવરાત્રિ'નું ટ્વિંકલ ગાર્ડન રીસોર્ટમાં આયોજન કરવામાં આવ્યું હતું.
આ આયોજનમાં જામનગર શહેર તથા જિલ્લાની ફોટોગ્રાફર્સ સંસ્થાઓનો પણ સહયોગ મળ્યો હતો. જેમાં જામનગર ફોટોગ્રાફર્સ એસોસિએશનના પ્રમુખ ધર્મેશભાઈ રાવલ તથા તેમની ટીમ અને મેમ્બરો, પ્રોફેશન ફોટોગ્રાફર્સ ક્લબના પ્રમુખ ઋષિકેશ જોષી તથા તેમની ટીમ, ઈમેઝીંગ ફોટોગ્રાફર્સ એસો. પ્રમુખ કુમારભાઈ ગોહિલ તથા તેમની ટીમ, સુરભી ફોટો ગ્રુપના બિપીનભાઈ મશરૂ તથા કમિટી મેમ્બરો, ધ્રોળ ફોટોગ્રાફર્સ એસો. પ્રમુખ જીતુભાઈ તથા તેમની ટીમે પ્રોગ્રામમાં ભાગ લીધો હતો.
આ કાર્યક્રમ માટે જામનગરના સાંસદ પૂનમબેન માડમનો શુભેચ્છા સંદેશ મળેલ હતો. જામનગર ૭૮ ના ધારાસભ્ય રિવાબા જાડેજા ઉપસ્થિત રહ્યા હતાં. ધારાસભ્ય દિવ્યેશભાઈ અકબરી તથા જીતુભાઈ લાલનો પણ શુભેચ્છા સંદેશ મળેલ હતો. જામનગર શહેરના મેયર વિનોદભાઈ ખીમસૂર્યા તેમજ શહેર ભા.જ.પ.ના પ્રમુખ વિમલભાઈ કગથરા તથા જ.એમ.સી.ના તમામ પદાધિકારીઓ ઉપસ્થિત રહ્યા હતાં.
જમનગર શહેર તથા જિલ્લાના આશરે ૭૦૦ થી ૮૦૦ ફોટોગ્રાફર્સ પરિવારોએ ભાગ લઈને આ પ્રોગ્રામને સફળ બનાવ્યો હતો. પ્રોજેક્ટ ટીમના રાજુભાઈ યાદવ, બિપીનભાઈ મશરૂ, પ્રહ્લાદ સિંઘવ દ્વારા જહેમત ઊઠાવવામાં આવી હતી તેમ પ્લેઝર ક્લબ લેબના મેનેજર કેતનભાઈ પટેલે જણાવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
