Author: નોબત સમાચાર
નૂરી ચોકડી પાસે બાવળની ઝાળીઓમાંથી ઈંગ્લીશ દારૂની ૮૬ બોટલ સાથે એક ઝબ્બે
ગુલાબનગરના શખ્સનું પોલીસને નામ અપાયું:
જામનગર તા. ૭: જામનગરના નૂરી ચોકડી વિસ્તારમાં બાવળની ઝાળીમાં ઈંગ્લીશ દારૂનો જથ્થો સંતાડી રહેલા એક શખ્સને પોલીસે પકડી લીધો છે. ઝાળીમાંથી ૮૬ બોટલ મળી આવી છે. આરોપીએ પોતાના સાગરિતનું નામ આપ્યું છે.
જામનગરના નૂરી ચોકડી વિસ્તારમાં ગઈકાલે બપોરે સિટી એ ડિવિઝન પોલીસ સ્ટેશનના સ્ટાફ દ્વારા કરવામાં આવી રહેલા પેટ્રોલિંગમાં આર.એ. જાડેજા, વિક્રમસિંહ જાડેજાને બાતમી મળી હતી કે, નૂરી ચોકડી પાસે બાવળની કાટમાં ઈંગ્લીશ દારૂનો જથ્થો સંતાડવામાં આવી રહ્યો છે.
તે બાતમીથી પીઆઈ એન.એ. ચાવડાને વાકેફ કરાયા પછી પીએસઆઈ એન.એમ. રાઠોડ તથા સ્ટાફ દોડી ગયા હતા. ત્યાં ચકાસણી કરાતા બાવળની ઝાળીઓમાં દારૂ રાખી રહેલા કિસાનચોક નજીક મકરાણી કબ્રસ્તાન પાસે રહેતા શાનવાઝ દિલાવર દરજાદા ઉર્ફે ટોની નામના શખ્સને દબોચી લેવાયો હતો. બાવળની ઝાળીઓમાંથી દારૂની ૮૬ બોટલ કબજે કરાઈ છે. આ શખ્સે પોતાના સાગરિત ગુલાબ નગરવાળા અફઝલ ઉર્ફે ઉંચાનું નામ પોલીસને આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
