Author: નોબત સમાચાર
જલારામ પાર્કમાં ઘર પાસે પાણી ઢોળવા મુદ્દે મહિલા પર પાડોશી દ્વારા કરાયો હુમલો
નાનીના ઘેર જવાના પ્રશ્ને બેડીમાં યુવતીને માર પડ્યોઃ
જામનગર તા. ૭: જામનગરના રામેશ્વરનગર પાછળ જલારામ પાર્કમાં રહેતા એક મહિલાએ પોતાના ઘર પાસે પાણી નહીં ઢોળવા પાડોશીને કહ્યા પછી તેણી પર પાડોશી મહિલાએ હુમલો કરી હથોડી ઝીંકી દીધી હતી. જ્યારે બેડીમાં એક યુવતી પર નાનીના ઘરે જવાના મુદ્દે મહિલા સહિત ચારે હુમલો કર્યાે હતો.
જામનગરના રામેશ્વરનગર પાછળ આવેલા જલારામ પાર્ક શેરી નં.રમાં રહેતા સુરજબા સંજયસિંહ જાડેજા નામના મહિલાએ પાડોશમાં રહેતા પ્રફુલ્લાબા ચાવડાને અગાઉ પણ પોતાના ઘરનું આંગણું ધોઈ તેનું પાણી પોતાની ડેલી પાસે ન આવવા દેવા માટે કહ્યું હતું.
આમ છતાં પ્રફુલ્લાબા અવારનવાર પાણી ઢોળતા હોવાથી સુરજબાએ તેમ નહીં કરવા ગઈકાલે ફરીથી કહેતા ઉશ્કેરાયેલા પ્રફુલ્લાબાએ ગાળો ભાંડી ઢીકાપાટુથી માર મારવા ઉપરાંત હથોડી ઝીંકી દીધી હતી. સુરજબાએ પોલીસમાં ફરિયાદ નોંધાવી છે.
જામનગરના બેડી વિસ્તારમાં આવેલી સોઢા ફળીમાં રહેતા મુસ્કાન ઈમરાન કકલ નામના મહિલા ગઈકાલે બપોરે દીવેલીયા ચાલી પાસેથી જતા હતા ત્યારે માર્ગમાં બેડીના જ શબ્બીર ઓસમાણ કકલ તથા આફતાબ કકલે તેઓને રોકીને તારી નાનીના ઘેર જતી નહીં તેમ કહ્યું હતું.
તેની સામે મુસ્કાને હું ત્યાં જઈશ તેમ કહેતા ઉશ્કેરાયેલા શબ્બીર તેમજ લીયાકત શબ્બીર, આફતાબ શબ્બીર, નઝરાના શૌકત કકલ નામના વ્યક્તિઓએ ગાળો ભાંડી હુમલો કર્યાે હતો. નઝરાનાએ વાળ પકડીને તેણીને પછાડી દીધા હતા. ચારેય સામે સિટી બી ડિવિઝનમાં ફરિયાદ કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
