Author: નોબત સમાચાર
જામનગરકેન્સર રિસર્ચ ઈન્સ્ટિટયૂટ દ્વારા કેન્સરના દર્દીઓને નિઃશૂલ્ક દવાઓ સહિતની સહાયની યોજના
આયુષ્માન કાર્ડ ન હોય તેવા દર્દીઓને લાભ લેવા અનુરોધઃ
જામનગર તા. ૪: જામનગર કેન્સર રિસર્ચ ઇન્સ્ટિટ્યૂટ છેલ્લા ૩૭ વર્ષથી કેન્સર અંગે જાગૃતિ ફેલાવવાનું કામ કરી રહૃાું છે. તાજેતરમાં સંસ્થાનાં પ્રમુખ ડો. કલ્પનાબેન ખંઢેરીયાની અધ્યક્ષતામાં સંસ્થાની સામાન્ય સભા યોજાઇ હતી
આ સામાન્ય સભામાં આયુષ્યમાન કાર્ડ ન હોય એવા કેન્સરનાં દર્દીઓને રૂ. ૫ હજારની દવાઓ લઇ આપવાનો તથા પ્રોટીન પાવડરનો એક ડબ્બો પણ નિઃશુલ્ક આપવાનો નિર્ણય કરવામાં આવ્યો હતો. સ્પેશ્યલ ડાયેટીશ્યન દ્વારા ડાયેટ પ્લાન પણ વિનામૂલ્યે બનાવી આપવામાં આવશે તથા ઓપરેશન પછી ફિઝીયોથેરાપી ટ્રીટમેન્ટની જરૂરિયાતવાળા દર્દીઓને ફિઝીયોથેરાપી હોસ્પિટલ અથવા ખાનગી ફિઝીયોથેરાપીસ્ટ દ્વારા સારવાર મળી રહે એ માટે માર્ગદર્શન પૂરૂ પાડવામાં આવશે.
આ યોજનાનો લાભ લેવા ઇચ્છતા કેન્સરનાં દર્દીઓએ ડો. કલ્પનાબેન ખંઢેરીયાની હોસ્પિટલ, સેન્ટર પોઇન્ટ પાછળ, ગુરૂદ્વારા સર્કલ પાસે, ઇન્દિરા માર્ગ, જામનગરમાં સવારે ૧૧ થી ૧૨ દરમ્યાન ડો. ફોરમબેન કોરાટ પાસે રજીસ્ટ્રેશન કરાવવું જરૂરી છે. દર્દીઓએ પોતાની ફાઇલ તથા જરૂરી ઝેરોક્ષ નકલો સાથે રાખવા જરૂરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
